Sayfadaki görseller
PDF
ePub
[blocks in formation]

TRANSLAET VANDE MINUTEN VAN MYNS GENADIGHE HEER DEN HERTOGHE
VAN VERGIFFENISSE, (1456.)

Philips, etc., doen cont allen luden: Also wt causen ende redenen van der questie ende gescillen, die geweest syn tusschen den eerweerdigen vader in Gode, onsen lieven getrouwen raet, heeren David van Bourgoengen, bisscop t'Utrecht, aen die een syde, ende heer Gysbert van Brederode, domproest, ende hem seggende t'Utrecht gecoren geweest te hebben, aen die ander, omdat voersz. bisdom t'Utrecht, ende wt welcke oirloge ende tweedracht geresen ende begonnen hadden geweest, ende noch meer geschapen ende merckliken waren op te rysen, tusschen die voirsz. partyen sommige onse ondersaten ende andere, also wel geestelike als weerlike luden, getogen syn by den voirsz. heere Gysbert, hem gewapent synre partyen gehouden, ende hem hulpe, raet, troost ende bystant gedaen tegens ons ende den voersz. bisschop van Utrecht; ende want by middel van onsen lieven ende seer geminden neve, den hertoge van Cleve, dese saken afgeleyt syn, ende die partyen voirsz. t'samen verleken, by welcke verlikinge onder andere saken gesegt is geweest, dat wij vergeven sullen allen, 't sy geestelicke of weerlicke personen, die den voirsz. heere Gysbert ende synre partyen in deser sake, hulpe, bystant, raet ofte dienst gedaen hebben, al 't gene dat sy hierinne tegens ons misdaen mogen hebben, ende voert, dat een ygelick aen die een ende die ander syde, also wel geestelike ende weerlike, wederkeren sullen tot haren goeden, renten, opcomingen ende besitten, hoedanig sy syn onruerende, ende sal die gebruken ende die hebben ende nemen, mitsgaders die vruchten ende die afterstallen, die dairvan verschenen syn ende niet ontfangen, ende oec hoere ruerende goeden in natuere wesende, ende niet genomen, gegeven noch ontfangen en syn, als sy hier Voertijts deden; Soe ist, dat wy, willende onderhouden van onser syden, ende even verre dat

ons aengaet, datgene dat vercalt ende geconsenteert is geweest in deser sake, hebben, even verre dat ons dat aengaen mach, vergeven, ende by desen brieve vergeven, allen den genen, 't sy geestelike of weerlike, geheelic, ende alle 't gene sy tegen ons ende justicy misgrepen, misdaen ende gebreukt mogen hebben, van getogen te wesen by den voirsz. heere Gysbert, ende hem hulpe, raet, bystant, dienst ende gunste gedaen in deser saken, willende dat hem noch enigen van hem nemmermeer daer of eysch noch vervolch gedaen sy, imponerende hier op enwich swygen onsen procuratoren ende allen anderen onsen amptluden, wie sy syn, ontbieden daerom ende bevelen onsen lieven ende getrouwen den heer van Lannoy, stadthouder, ende den anderen luden van onsen rade in Hollant, residency doende inden Hage, ende allen anderen onsen rechteren, amptluden ende ondersaten, wien dat aengaen mach, horen stadthouderen, tegenwoordich ende toecomende, ende elken van hem bysonder, ende also hem toebehoren sal, datsy allen den genen, van wat conditien zy syn, ende elken van hem, van den inhouden van desen, also ende inder manieren voersz., doen, laten ende gedogen, rustelic ende volcomelic genieten ende gebruken ende oec hebben ende nemen hoer renten, opcomingen ende besitten, hoedanich dat sy syn onruerende onder ons wesende ende dair off gebruken, mitsgaders vanden vruchten ende afterstallen, die dair of verschenen syn, hangende die voersz. geschillen, ende niet ontfangen, ende oec hoer roerende goede wesende in natuere, ende die niet genomen. gegeven noch ontfangen en worden opten dach der datum van desen, gelyc sy deden voir die voirsz. twidracht ende geschillen, sonder dair tegen hem te doen ofte laten geschien, noch enige van hem aen live of aen goede, nu noch in toecomende tyden, enich letsel, wederstoet of belet ter contrarie want ons dat also gelieft ende willen dat gedaen sy; Ende is ons oec verstaen, dat desgelycx die gene, die dienst, hulpe, raet ende bystant gedaen hebben den voirsz. eerweerdigen vader in Gode ende synre partyen tegen den voirsz. heer Gysbert hebben, nemen ende gebruken hoir goede, renten, opcomingen, besitten ende afterstallen, ende oec hoer ruerende goede, wesende in natuere ende gelyc dat hier boven geseyt ende verclaert is. In oerconde, etc.

MINUTE VAN DEN BRIEVEN, BIJ DEN WELKEN MIJN GENADIGE HEERE

DIE HERTOGE CONSENTEERT PRECARIUM, (1456.)

Philips, etc., doen kondt allen luden, dat wy om seker redelyke saken, ons dairtoe porrende, hebben geconsenteert ende georloft, consentieren ende oirloven by dese brieve, dat den eerwerdigen vader in Goede, onsen lieven ende getruwen ract, heer David van Bourgoengen, bisscop t'Utrecht, dat alle alsulck precarium ende bede, als hy begeren sall ende hem geconsenteert sall wesen by den geestliken luden van synen bisdom, tot synen blyden incomen in also verren, als hem 't voirsz. bisdom streckende ys in onsen lande ende heerlicheyden, gelyc wel gewoentliken is, opgeboert ende gegeven sy, ende sellen dat gedogen, loep hebben op die geestlike personen van onsen landen ende heerlicheiden in also verren, als 't voirsz. bisdom van Utrecht hem dair in strect, ende dat by den vrenden ende gedeputierden van den selven bisscop, gelyc dat gewoentlicken is gewest om synen voervaderen bisscopen; behouden des, dat die voirsz. geestlike personen, in onsen voirsz. landen ende heerlicheiden wesende, int voirsz. bisdom van Utrecht, dach hebben sellen te betalen 't voirsz. precarium ende bede den bisscop voirsz., te wetene, die een helfte ten eynde van enen jaer naestcomende, ende die andere helfte int eynde van den anderen jaer eerst dair na volgende. Ontbiedende dair om ende bevelen onsen lieven ende trouwen, den luyden van onsen raetcameren in Vlaenderen, onsen balju vanden vier ambochten, den heere van Lannoy, onsen stadt-

houder, ende die andere luden van onsen rade in Hollant, residency doende inden Hage, ende allen onsen anderen baljuwen, schouten ende officieren van onsen landen van Vlaenderen, Hollant, Zelant ende Vrieslant, ende een yegelic van hem, also hem dat aengaen mach, dairvan desen onsen consente ende wille sy doen ende laten, den voirsz. bisscop van Utrecht ende syne gemachtichden genieten ende gebruken, ende syne gemachtichden gevende ende doende hulpe, troest ende bistant; In dit stuck op dats noet sy ende sys verzocht worden. In oirkonde desen brieve ende onse segele daeran gehangen. Gegeven, etc.

MINUTE VAN DEN BRIEVEN NON PRAEJUDICIEN, TEN VOORDEELE VAN DEN
STATEN DES NEDERSTICHTS, (1456.)

ge

Wy David van Burgondien, by der gehengenisse Goeds, bisscop t'Utrecht, doen kondt allen luden: Also als by den tractate, gemaect by middell van den hoechgeboeren ende mogenden vorst, mynen lieven heere, mynen heere den hertoge van Cleve, onder ander saken seit ende geappointeert is geweest, dat die van den staten van onser stadt ende dat Nedersticht van Utrecht, die ons onderdanicheyt gedaen hebben ende ontfangen tot hoeren bisscop ende heere, ons sculdich syn te dienen ende bistant te doene, te reduceren ende te doen comen tot onser onderdanicheyt, ende hem conformeeren mitten selven staten van onser stadt ende Nedersticht van Utrecht, dien van Over-Yssell offt andere, op dat daer enige syn, die weygerende off vertreckende syn, die voirsz. onderdanicheyt te doen, ende ons ontfangen in hoeren bisscop ende heere, ende dit buten costen ende lasten van mynen genedigen heere, mynen heere den hertoge van Burgondien ende van Brabant, ende van ons mit redelike ende tamelike getalle van volke, ende sulx als hier voirtyts sy geplogen hebben, te dienen hoeren heere, den bisscoppen van Utrecht, op dat sy niet bat doen en willen, ende dit sonder prejudicie van hoeren privilegien in toecomenden tyden, etc.; Soe ist, dat wy, willende van onsen wegen onderhouden den selven, van den staten van onser stadt ende Nederstichte van Utrecht, 't gene dat hem by den selven tractate toegeseit is geweest, hebben geseit, gewilt ende verclaert, ende by desen brieven seggen, willen ende verclaeren, dat den dienst, die de voirsz. van den staten ons in dit stuck doen sellen, sulck alsoe ende inder vuegen, als voirsz. ys, sy, sonder hynder offt praejudicy van hoeren voersz. privilegien inder toecomende tyt. In oirconde, etc.

TRANSLACY VANDEN MYNUTEN VAN MYN HEERE 'S BYSCOPS VAN UTRECHT
BRIEVE VAN VERgiffenisse, (1456.)

Wy David van Borgonien, by der gehengenisse Goeds bisscop t'Utrecht, doen kondt allen luden: Also wt causen ende redenen van den questien ende geschillen, die geweest syn tusschen ons, aen die een syde, ende heer Ghysbrecht van Brederoede, doemproest, ende hem seggende t'Utrecht gecoren geweest hebbende, aen die ander syde, om dat voirsz. bysdom t'Utrecht, ende wt welcke orlogen ende twidracht geresen ende begonnen had gewest, ende noch gescaepen ende moichlick waren op te rysen, tusschen die voirsz. partien; sommige onse ondersaten ende anderen, al soe wel gheestlike als weerlike luden, getogen syn by den voirsz. here Ghysbrecht, hem gewapent synre partien gehouden.

ende hem hulpe, raet, troest ende bystant gedaen tegen ons; ende want by middell van den hoechgeboeren ende mogenden vorst ende mynen lieven heeren, myn heer den hartoge van Cleve, dese saken affgeleyt syn ende die voersz. partien t'samen verleken, by welker verlikinge onder anderen saken geseyt is geweest, dat wy vergeven sellen allen, sy geestelike off werlike personen, die den voirsz. heer Ghysbrecht ende synre partien in deser saken hulpe, bystant, raedt ofte dienst gedaen hebben, alle dat 't gene, dat sy hyer ynne teghen ons misdaen moghen hebben. Ende voirt, dat een ygelick aen die ene ende die an die ander syde, soe wel geestlike als werlike, weder keren sullen tot horen goden, renten, opcomyngen ende besitten, hoedanich sy syn onruerende; ende sellen die gebruken ende hebben ende nemen, mytgaders die vruchten ende afterstellen, die dairvan verschenen syn ende nyet ontfangen; ende oick hoir rurende goeden in natuere wesende ende nyet genomen, gegeven noch ontfangen en syn, als sy hier voirtyts deden; Soe ist, dat wy, willende onderhouden van onser syden, ende even verre dat ons dat angaet, 't gene dat vercalt ende geconsentiert is gewest in deser sake, hebben, even verre dat ons dit angaen mach, vergeven, ende by desen brieve vergeven, allen den genen, sy geestlike off werlike, gelyck, ende al 't gene dat sy tegen ons ende justicy mishopen, misdaen ende gebruecht mogen hebben, van getogen te wesen by den voirsz. heere Ghysbrecht ende hem hulpe, raedt, bystant, dyenst ende gonst gedaen in dese saken, willende, dat hem, noch enighen van hem, nummermeer dair off heysch noch vervolch gedaen sy, imponirende hyer op ewych swigen onsen procureur ende allen anderen onsen ampten, wie sy syn; ontbieden ende bevelen dairom allen onsen rechteren, ampten ende ondersaten, wien dat dit angaen mach, hoir stedehouderen, tegenwoirdich ende toe te comen, ende enige van hem bysonder ende alsoe hem toehoeren sall, dat sy allen den genen van der condicy voirsz. ende elken van hem van den inhouden van desen, alsoe ende inder manieren voersz., doen, laten ende gedoghen, rustelick ende volcomclick genieten ende gebruken, ende oock hebben ende nemen hoir renten, opcommyngen ende besitten, hoedanich dat sy syn onrurende onder ons wesende, ende dair off gebruken, mitsgaders van den vruchten ende afterstellen, die daer off verschenen syn, hangende die voirsz. geschillen, ende niet ontfangen, ende oock hoir rurende goede wesende in natueren, ende die nyet genomen, gegheven noch ontfangen en worden opten dach van datum van desen, gelyck sy deden voir die voirsz. twidracht ende gescille voirt meer, soe daer versproken ende verdedingt is, soe ys onse menyngen, believe ende consentieren, dat al sulcke gelden, vruchten ende renthen, die here Ghysbrecht van Brederode, doemproest voirsz., als een elecht ende ruwaert t'Utrecht, of die vyf goedshuse t'Utrecht off yemant van hoore wegen, seer dode heer Rodolphs van Diefhout, onse voirvader, bisscop t'Utrecht, tot desen dage toe bis date 's briefs gebeurt off ontfangen mogen hebben van des bisdomps goede ende renten van Utrecht, off wy off yemant van onser wegen, van der vyf goedshusen voirsz. gebuert off ontfangen mogen hebben, sullen aen beyden syden gebuert, ontfangen ende quyt wesen, sonder enich aensprake off eyschinge malcanderen dair aff te doen off te laten gescien, aen lyve offte an goede, nu noch nacomenden tyden, enich letsell, wederstoet off beleet ter contrarien, want ons dat alsoe gelieft, ende is oock onse verstaen, dat desgelycks die gene, die ons ende onser partien dienst, hulpe, raet ende bystant gedaen hebben teghen den voirsz. here Ghysbrecht hebben, nemen ende gebruken hoeren goeden, renten, opcomyngen, besitten ende afterstellen, ende oeck hoere rurende goede, wesende in natuere, alsoe ende gelyck dat hyer hoven geseyt ende verclaert is. In oerconde, etc.

TRANSLACY VAN SULKEN BRIEVEN ALS DIE VAN DEN STATEN DER STAT ENDE NEEDERSTICHT VAN UTRECHT GEVEN SULLEN, ALS VERCALT IS, etc., (1456.)

Wy die prelaten, dekenen ende capittelen ende gheestlike luden, die edele luden, die burgemeysteren, scepenen ende raden ende anderen, representerende die drie staten der stat ende Nedersticht van Utrecht, doen kondt allen luden: Also als ons die verlikinge der kerken ende bisdom t'Utrecht, die in questien ende gescille was tusschen den eerwerdigen vader in Goede onsen lieven heeren, heere David van Burgongen, bisscop t'Utrecht, aen die een side, ende heer Gysbrecht van Brederode, doemproest ende elecht t'Utrecht, an die ander, geappointeert is geweest by middell van den hoochgeboeren ende mogenden voerst ende onsen genadigen heere, heere die hertoghe van Cleve, etc.; onder andere saken, dat die voersz. heere Ghysbrecht van Brederode resignieren sall al alsulch recht, als hy hebben mach_totter kercken ende dat sticht van Utrecht, tot behoeff des voirsz. eerwerdichs vader in Goede, heere David van Burgoengen, bisscop t'Utrecht, ende dit by consente der staten van den lande ende stichts van Utrecht; ende ooick die voirsz. heere Ghysbrecht, elecht, ende die vanden kerken t'Utrecht, die beroepen ende geappelliert hebben van den provisien ende promocie van mynen voirsz. heere van Utrecht, an die tocomende consilio, ofgaen sellen ende renuncieren van hoeren voersz. beroepe ende appellacye, ende die selve staten sellen ontfangen die voirsz. heere David van Burgoengen, ende hem doen gehoersamheyt, als horen bisscop ende gheestliken ende werliken heer, die welke ontfanginge ende gehoersamheyt sullen terstont gedaen werden by ons vanden staten, vander stat ende Nedersticht t' Utrecht voirsz., ende desgelycx sall die terstont daer na gedaen worden by al den anderen vander sticht van Utrecht, het sy aen gheen syde of aen dese syde der Ysselen, off daer enighe waren, 't sy aen geen syde off aen dese syde der Yssslen, die weygerende of vertrechkende worden te doen die voirsz. gehoersamheyt, ende te ontfangen den voirsz. heere David in horen bisscopp ende heeren, wy souden gehouden ende geloven wesen bystant ende dyenst te doen mynen genadigen heere, hartoge van Borgoengen ende bisscop van Utrecht voirsz., om die te brengen ende doen komen tot gehoersamheyt, ende hem te conformieren myt ons, ende dit buten cost ende last van mynen voirsz. heere, den hartoge, ende myns heere van Utrecht voirsz. ende myt redeliken ende taemliken getalle van volke, ende sulk als wy hier voertyts geplogen hebben, te dyenen onsen heeren bisscopen t'Utrecht, of wy niet bat en willen doen ende sonder prejudicy van onsen privilegien om den tokomenden tyt; Soe is't, dat wy die van onser syde ende also verre als ons angaet, onderhouden ende volcomenen willen, gene hier boven geseyt is, hebben geconsentiert ende consentieren die voorsz. resignatie, die welke gedaen is gewest by den voirsz. heere Ghysebrecht openbaerlic in vollen capittelen der vyff goetshusen der voirsz. stat van Utrecht, ende syn dair off gemaect ende ontfangen instrumenten tot behoeff myns voersz. heere van Utrecht, als dat behoert; ende hebben oec die voersz. Ghysbrecht ende wy gerevociert ende revoceren ende ofgaen den beroepe ende appellacy, by ons gedaen an den toecomenden consily van den promocy van mynen voirsz. heere van Utrecht. Ende hebben den selven heere David ontfangen in onsen bisscop ende geestliken ende weerliken heere, ende hem onderdanichlic gedaen, als dat behoert; voert meer geloven wy in goeder trouwen bystant ende dienst te doen, nader ouder gewoenten des stichts van Utrecht, den hoechgeboeren ende vermogenden vorst, onsen genadigen heere, mynen heere den hertoghe van Borgongen voersz., ende mijnen voirsz. heere van Utrecht, ende hem te conformieren myt ons, die vanden staten van Overyssel ende

dat

ende

« ÖncekiDevam »