communicatorum et aggravatorum, et quemlibet ipsorum moneant et requirant, quos nos etiam tenore praesentium requirimus et monemus, ac eis et eorum cuilibet in virtute sanctae obedientiae et sub infrascripta excommunicationis poena, quam in eos et eorum quemlibet contrafacientes ferimus in his scriptis, districtius injungant, prout nos etiam injungimus eisdem, quatenus infra sex dierum spatium post monitionem et requisitionem hujusmodi, ipsis factas, immediate sequentes, quorum sex dierum duos pro primo, duos pro secundo, et reliquos duos dies eis et eorum cuilibet pro tertio et peremptorio termino et monitione canonica assignent, prout nos etiam sic praesentibus assignamus eisdem, ipsi familiares et servitores a familiaritate et servitio, ceterique Christifideles, utriusque sexus homines, a participatione ipsorum excommunicatorum, denuntiatorum, aggravatorum et reaggravatorum, penitus et omnino desistant, et quilibet eorum desistat; Nec non cum eisdem denuntiatis, aggravatis et reaggravatis, aut aliquo ipsorum serviendo, loquendo, sedendo, stando, ambulando, salutando, hospitando, commedendo, bibendo, molendo, coquendo, cibum, potum, aquam vel ignem ministrando, aut aliquo humanitatis solatio, praeterquam in casibus a jure permissis participare praesumant, seu corum alter praesumat; Et si contrarium fecerint, nos in eos et eorum quemlibet, cum dictis denuntiatis, aggravatis et reaggravatis rebelliter participantes, ex nunc prout ex tunc, et ex tunc prout ex nunc, dicta sex dierum canonica monitione praemissa, excommunicationis sententiam ferimus in scriptis et etiam promulgamus, et etiam omnes et singulos supradictos subdelegatos nostros, modo et forma praemissis, requirimus et monemus, eisque et eorum cuilibet sub dicta excommunicationis poena, quatenus singulis diebus dominicis et festivis, quotiens expediens fuerit in suis ecclesiis, monasteriis et capellis, infra praedictarum horarum solempnia, praefatos Christifideles, familiares et servitores, qui cum dictis denuntiatis, aggravatis et reaggravatis rebelliter participaverint, ut praefertur, excommunicatos cum eis denuntient, et ab aliis Christifidelibus evitari faciant, donec et quousque solutionis beneficium meruerint obtinere, aut de nostro vel superioris nostri mandato contrario apparuerit evidenter. ab Volumus autem et auctoritate praefata omnibus et singulis utriusque sexus hominibus, regularibus et saecularibus, exemptis et non exemptis, quibuscumque nominibus censeantur, aut quacumque praefulgeant dignitate, sub excommunicationis poena, quam in eos et eorum quemlibet contrafacientes, ex nunc prout ex tunc, et ex tunc prout ex nunc, ferimus in his scriptis, districte praecipiendo, inhibemus, ne ipsi vel eorum alter dictis denuntiatis, aggravatis et reaggravatis hujusmodi vel eorum alteri, quamdiu in hujusmodi pertinacia et rebellione perstiterint, ac literis et processibus nostris hujusmodi, monitionibus quoque et mandatis, literis et processibus in eis contentis, parere et obedire non curaverint, in foro ecclesiastico vel saeculari respondere praesumant, sed omnis eis juris ordo et actus judicialis praecludatur et negetur, nec eorum testimonio fides adhibeatur, sed ipsi tamen aliis omnino respondere teneantur, ipsique ab actoribus, actibus et Christifidelium participationibus penitus secludantur et separentur, donec et quousque spiritum sanioris consilii, ecclesiae unitatem et reconciliationis gratiam receperint, et super praemissis debitam et plenariam satisfactionem impenderint cum effectu. Praeterea si praefati denuntiati, aggravati et réaggravati, per alios decem dies dictos decem dies immediate sequentes, et postquam constiterit hujusmodi reaggravationem ad ipsorum notitiam pervenisse, praedictas nostras sententias sustinuerint Pharaonis duritiam imitando, ad modum aspidum surdarum aures suas obdurantium, ne vocem audiant incantantium, nos ex nunc prout ex tunc, lapsis terminis antedictis, omnes et singulas civitates, terras, oppida, castra, las, suburbia et quarumcumque ecclesiarum collegia aut parochias, et alia loca quaecumque, in et sub quibus dictos denuntiatos, aggravatos et reaggravatos, vel alterum eorundem morari et ad quos seu quem ipsos, seu eorum alterum declinare contigerit, quamdiu ibidem fuerint, vil prae seu aliquis eorum fuerit, in his scriptis ecclesiastico supponimus interdicto, mandantes eisdem nostris subdelegatis, modo et forma praemissis, et sub poenis et sententiis antedictis; Quatenus ex tunc, quamdiu dicti denuntiati, aggravati et reaggravati, aut eorum aliquis in locis dictis fuerint, cessent et ab aliis cessari faciant apertis januis a divinis. Quam quidem cessationem per tres dies continuas post ipsorum denuntiatorum, aggravatorum et reaggravatorum vel alterius eorundem recessum observent, et ab aliis observari faciant, ita et taliter, quod hujusmodi, stante interdicto, nulla sacramenta ecclesiastica in et sub eisdem locis, sub quibus dicti denuntiati, aggravati et reaggravati fuerint, seu alter fuerit, ministrentur, nisi poenitentia et baptismus omnibus eucharistia infirmis tantum, et matrimonium sine ecclesiastica solempnitate contrahatur, inibique et sub eisdem locis decedentibus ecclesiastica denegetur sepultura. Demum si praenominati denuntiati, aggravati et reaggravati et interdicti, infra alios decem dies praedictos triginta dies immediate sequentes, propriae salutis immemores, processibus, mandatis et monitionibus nostris hujusmodi, immo verius dictae sacrosanctae synodi non paruerint realiter et cum effectu, quod Deus avertat, nos attendentes, quod, mucrone non perficiente ecclesiastico, temporalis gladius non immerito suffragetur, auxilium brachii saecularis duximus merito invocandum; quos timor dei a malo non revocat, temporalis saltim coherceat severitas disciplinae. Hinc est, quod vos, illustrissimum et serenissimum principem et dominum, dominum Sigismundum, regem, antedictum dicti gladii principalem vibratorem et justitiae Zelatorem in domino exhortamur, Vosque dominos duces, comites, barones, milites, militares, justitiarios et judices, et praesertim comitem de Oestervant ac balivium de Woerden, et alias personas temporales antedictas, tenore praesentium, dicta auctoritate, requirimus et monemus, primo, secundo, tertio et peremptorie, vobisque nihilominus et vestrum cuilibet in virtute sanctae obedientiae et sub excommunicationis poena, quam in vos et vestrum quemlibet, canonica monitione praemissa, ferimus in his scriptis, nisi feceritis ea, quae vobis in hac parte committimus et mandamus, districte praecipiendo mandantes; Quatenus infra sex dierum spatium post lapsum dictorum quadraginta dierum et postquam praefatae literae sacrosanctae synodi ac presens noster processus vobis aut vestrum alicui in vestris territoriis, jurisdictionibus et districtibus fuerint publicati, immediate sequentium; Quorum sex dierum, duos pro primo, duos pro secundo et reliquos duos dies vobis et vestrum cuilibet pro tertio et peremptorio termino, et monitione canonica et omni dilatione assignamus, vos omnes et singulae personae temporales, et quilibet vestrum, quorum omnium super hoc brachii saecularis auxilium invocamus, quotiens et quando pro parte dictorum Wilhelmi et Baldewini, priorum, principalium super hoc, vigore praesentium, fueritis requisiti, seu alter vestrum fuerit requisitus in juris subsidium contra praefatos denuntiatos, aggravatos, reaggravatos et interdictos, dicta auctoritate sanctae synodi, per captionem, invasionem, incarcerationem et detentionem corporum, rerum et bonorum dictorum denuntiatorum, aggravatorum, reaggravatorum et interdictorum, insurgatis et alios insurgere faciatis ; Nec non corpora, res et bona eorum et cujuslibet ipsorum invadatis, incarceretis, capiatis, arrestetis, occupetis et in custodia firma teneatis; Super quibus omnibus et singulis vobis et vestrum cuilibet, auctoritate qua fungimus, plenarias licentiam et potestatem concedimus per presentes, dictos denuntiatos, aggravatos, reaggravatos et interdictos, ita et taliter astringatis et compellatis, potenter et manu forti, absque tamen gravi laesione corporum eorum aut alterius corundum, usque ad integram satisfactionem omnium et singulorum praemissorum dictis fratribus Wilhelmo et Baldewino, prioribus, aut eorundem legitimo procuratori pro eis impendendam, ac donec et quousque a praedictis contradictione et rebellione destiterint et ad gremium sanctae matris ecclesiae redierint, beneficiumque absolutionis. a sententiis praedictis Ita meruerint obtinere aut aliud a nobis vel superiori nostro desuper receperitis in mandatis. Quodsi vos, gloriosissime et invictissime princeps et domine Rex, executor justitiae, praesentis nostri processus et mandatorum nostrorum, immo verius dictae sacrosanctae synodi, transgressor, contradictor vel neglector fueritis, quod tamen vestrae serenitatis praefulgidae jam dudum per totum orbem divulgatae obedientia suspicari non sinit, procul dubio, etiam justi judicis judicium offendetis, et praemium, alias pro executione hujusmodi justitiae vobis a deo paratum, nihilominus amittetis. Et licet vos hujusmodi nostris sententiis sic ligare nolumus, vobis ob imperialem et regiam majestates non immerito deferentes, intuitu tamen justitiae et ob sacri concilii reverentiam vestram serenitatem ad praefatam executionem efficaciter adimplendam, prout ad eandem pertinet, in domino exhortamur; Et generaliter omnia alia et singula nobis in hac parte commissa dicti nostri subdelegati plenarie exequantur, juxta traditam seu directam hujusmodi nobis formam et secundum nostri processus continentiam et tenorem; tamen, quod iidem subdelegati nostri in praejudicium dictorum fratrum Wilhelmi et Baldewini, priorum, et eorum litisconsortium nil valeant attemptare, nec in processibus per nos habitis et sententiis per nos latis absolvendo vel suspendendo aliquid immutare; Et si contingat nos in praemissis in aliquo procedere, non intendimus propter hoc commissionem nostram in aliquo revocare, nisi de revocatione ipsa plenam et expressam fecerimus mentionem. Praesentes quoque nostros processus ac literas sacrosanctae synodi praedictas, nec non jura et munimenta negotium executionis hujusmodi concernentia volumus penes dictos fratres Wilhelmum et Baldewinum, priores, principales aut eorundem procuratorem remanere ; Et nos (non?) per vos aut aliquem vestrum contra eorum voluntatem quomodolibet detineri; Contrarium vero facientes praefatis nostris sententiis ipso facto volumus subjacere; mandamus tamen copiam fieri de praemissis eam petentibus et habere debentibus, petentium quidem sumptibus et expensis; Absolutionem vero omnium et singulorum, qui praefatas nostras sententías aut earum aliquam incurrerint, seu incurrerit, quoquomodo nobis vel superiori nostro tantummodo reservamus. In quorum omnium et singulorum fidem et testimonium praemissorum, presentes literas seu presens publicum instrumentum, hujusmodi nostros processus executoriales in se continentes, sive continens, exinde fieri et per notarium publicum infrascriptum subscribi et publicari mandavimus, nostrique sigilli, quo utimur, jussimus et fecimus appensione communiri. Datum et actum Basileae in domibus nostrae solitae residentiae, sitae in conventu fratrum minorum, sub anno a nativitate domini millesimo quadringentesimo tricesimo sexto, indictione decima quarta, die vero sabbati, decima mensis martii, pontificatus sanctissimi in Christo patris et domini nostri, domini Eugenii, divina providentia papae quarti, anno quinto; praesentibus ibidem honorabilibus Hermanno de Marwyck et Johanno de Ecken, clericis Coloniensis et Leodiensis dioecesis testibus, ad praemissa vocatis specialiter et rogatis. Et ego, Bartholomaeus Wilhelmi Tymmerman de Bunschoten, clericus Trajectensis dioecesis, públicus apostolica et imperiali auctoritate notarius, quia dictarum literarum sacrosanctae synodi praesentationi, receptioni, requisitioni, sententiarum et processuum fulminationi atque insinuationi, monitioni et subdelegationi, omnibusque aliis singulis, dum, sicut praemittitur, agerentur et fierent, una cum praenominatis testibus interfui, eaque sic fieri vidi et audivi, ideoque hoc presens publicum instrumentum per alium, me diversis aliis praepedito negotiis primitus tamen in notam receptum, fideliter scriptum, exinde confeci et in hanc publicam formam redegi signoque et nomine meis solitis et consuetis, una cum praefati domini Nicolai, episcopi et executoris, sigilli appensione signavi, rogatus et requisitus in fidem et testimonium omnium et singulorum praemissorum. Collationatum per me Petrum Veer, notarium publicum, et concordatat cum originali. 4. Insinuatie van de voorgaande procedure, 24 mart., 1436. In nomine Domini amen. Anno a nativitate ejusdem millesimo quadringentesimo tricesimo sexto, indictione decima quarta, die vero sabbati, vicesima quarta mensis martii, pontificatus sanctissimi, in Christo patris, domini nostri, domini Eugenii, divina providentia papae quarti anno sexto, Ego, notarius publicus infrascriptus, per providum virum, magistrum Rutgherum de Holt in sacro Basiliensi concilio et venerabilium et religiosorum virorum, Wil-. helmi de Voern in Windesem, Trajectensis dioecesis, ac Baldewini beatae Mariae et sanctorum apostolorum Trajectensis, monasteriorum priorum, canonicorum regularium ordinis S. Augustini procuratorem, prout de suae procurationis mandato dixit legitime . debita cum instantia requisitus, nonnullos processus executoriales nonnullarum diffinitivarum en interlocutoriarum sententiarum in vim quarundam literarum executorialium sacrosanctae generalis synodi Basileensis, per reverendum patrem, dominum episcopum Tiburtinensem, executorem in eisdem literis sanctae synodi specialiter deputatum fulminatos, directos et emissos, quorum quidem processuum principium et finis inferius describuntur, in personam religiosi fratris, Johannis Passert, professi dicti monasterii Trajectensis fui executus sibique fratri Johanni processus hujusmodi ac sententias et omnia alia in eisdem contenta intimari, insinuari et ad ipsius notitiam, in quantum in me fuit, deduxi; eundem fratrem, Johannem Passert requirendo, monendo et citando et alias faciendo, prout potui et debui juxta earum literarum et processuum continentiam et tenorem, offerendo eidem Johanni praesenti et acceptanti copiam dictorum processuum, suis tamen sumptibus et expensis. Acta fuerunt haec Basiliae, in platea publica, in parochia sancti Albani, prope domum habitationis reverendi patris, domini episcopi Paduani, sub anno, indictione, mense, die et pontificatu, quibus supra, praesentibus ibidem venerabilibus et discretis viris, magistris Symone de Valle, advocato consistoriali sacri concilii utriusque juris, Wilhelmo de Leydis decretorum doctoribus, et Martino Heynrici, clerico dictae Trajectensis dioecesis, testibus ad praemissa vocatis specialiter et rogatis. Tenor autem dictorum processuum executorialium sic incipit: » Gloriosissimo et invictissimo principi et domino, domino Sigismundo, divina favente clementia Romanorum imperatori, ac Hungariae, Dalmatiae, Croatiae, etc. regi, regnorum vestorum felicis prosperitatis augmentum, etc." Et sic finit: » Datum Basileae in domibus nostrae solitae residentiae, sitae in conventu fratrum minorum, sub anno a nativitate domini millesimo quadringentesimo tricesimo sexto, indictione decima quarta, die vero sabbati, decima mensis martii, pontificatus sanctissmi in Christo patris et domini nostri, domini Eugenii, divina providentia papae quarti anno quinto, praesentibus ibidem honorabilibus viris, Hermanno de Marwyck et Johanne de Ecken clericis Coloniensis et Leodiensis dioecesis testibus, ad praemissa vocatis specialiter et rogatis.' Subscriptio vero notarii dicti processus sic incipit: »Et ego Batholomeus Wilhelmi Tymmerman de Bunschoten, clericus Trajectensis dioecesis, publicus apostolica et imperiali auctoritate notarius, etc." Et sic finit: » rogatus et requisitus in fidem et testimonium omnium et singulorum praemissorum." Et ego Hermannus de Marwyck, clericus Coloniensis dioecesis, publicus imperiali auctoritate notarius, quia praemissa omnia et singula sic acta per me scripta sunt,. ideo hoc praesens publicum instrumentum aliena manu fideliter scriptum exinde conficiens subscripsi; Quod signo et nomine meis solitis in fidem praemissorum. rogatus signavi. 5. Procedure van wegens den paus tegen Walraven van Meurs, 25 aug., 1436. Universis et singulis Christifidelibus et praesertim Germanicae nationis, Bartholomaeus, Dei et apostolicae sedis gratia archiepiscopus Spalatensis, et Bartholomaeus, eadem gratia episcopus Cavallicensis, judices et commissarii causarum et causae ac partibus infrascriptis a domino nostro Papa specialiter deputati, salutem in domino, et praesentibus fidem indubiam adhibere; Noveritis, quod nuper sanctissimus in Christo pater et dominus noster, dominus Eugenius, divina providentia papa quartus, quandam commissionis sive supplicationis cedulam nobis per certum suum cursorem successive praesentari fecit, quam nos cum ea, qua decuit, reverentia recepimus, hujusmodi sub tenore: Beatissime pater et clementissime domine. Exponitur querulose sanctitati vestrae pro parte devotae creaturae ejusdem sanctitatis Rodolphi, Dei et apostolicae sedis [gratia] episcopi Trajectensis, ac cleri, populi et militiae patriae Trajectensis, quod cum dudum ecclesia Trajectensis per obitum bonae memoriae Frederici, episcopi Trajectensis, pastoris solatio destituta felicis recordationis Martinus, praedecessor ejusdem sanctitatis, dicti domini Rodolphi, tunc ecclesiae Coloniensis canonici, ex utroque parente de illustri genere procreati, ad ipsam ecclesiam Trajectensem sic vacantem per majorem, imo duplo majorem partem illorum, ad quos spectavit electio, postulati, hujusmodi postulatione minus juste repulsa, quondam Swederum, tunc illius ecclesiae praepositum, eidem ecclesiae praefecisset in episcopum et pastorem, unde homicidia, seditiones, tam in clero quam in populo, et scandala aliaque mala quam plurima notorie provenerunt. Et licet tempore ejusdem praedecessoris S. V. tunc in, minoribus constitutis apud eundem praedecessorem et amplius, postquam, eodem praedecessore de medio, sicut altissimo placuit, sublato, divina providentia ad apicem summi apostolatus fuerit assumpta, multos eidem Swedero in prosecutione hujusmodi promotionis suae favores dedit, sperantes, quod tandem possessionem ipsius ecclesiae nancisci posset et habere, nihilominus clero pro magna parte, nec non populo et militia totius patriae Trajectensis sibi ex justis causis resistentibus, nequaquam dominii et terrarum ecclesiae possessionem pacificam assequi poterat nec habere, quin imo finaliter extra terras dominii, licet in certa parte dioecesis Trajectensis sua culpa exulabat. Cum itaque deinde S.V. saepius pro parte dictorum trium statuum interpellata tandem eosdem audivit, et eis quosdam ex reverendissimis patribus, dominis sanctae Romanae ecclesiae cardinalibus, dedit commissarios, ad quorum refationem de consilio ipsorum et aliorum ejusdem Romanae ecclesiae cardinalium reverendum in Christo patrem, dominum Johannem, tunc Matisconensem, nunc Ambianensem episcopum, nuntium suum, ad partes illas destinavit, eidem injungendo, ut statum patriae et voluntates hominum atque dispositionem rerum diligenter inspiceret, ac modum pacificandi et tranquillandi ipsam ecclesiam Trajectensem S.V. nunciaret. Quo reverso ac eoque (!) audito primum in secreto et deinde in consistorio publico, ad hoc specialiter ad procuratorum et excusatorum dicti Swederi instantiam per S. V. habito ac tento, tandem eadem sanclitas vestra, consideratis omnibus, hinc inde allegatis et praepositis, maturaque deliberatione digestis, quia non videbatur sicut veraciter, ut erat possibile, dare pacem patriae et ecclesiae Trajectensi, nisi per ejusdem Swederi ab eadem translationem et ipsius Rodolphi a principio postulati provisionem ipsa S. V. de eorundem dominorum cardinalium consilio, eundem Swederum ad ecclesiam Caesariensem, tunc vacantem, transtulit, sibi duorum millium florenorum (!) pro statu ipsius condecenti (!), super fructibus mensae episcopalis Trajectensis, quoad viveret,. reservata, dictaeque ecclesiae Trajectensi de persona ipsius Rodolphi providit, ac eundem |