wille dat abyt ende regule des huys voornoemt, of daertoe nyet bequaem en ware of nutte, dan zullen die zusteren des huys voirn. sculdich wesen ende gehouden aen te nemen om Gods willen twee ander maechden, die't begheren ende daertoe nutte ende bequaem sullen wesen, sonder yet in te zoeken, wair om dat zy dat niet en waren, te doene na myn begheren ende wterste wille, ende of in enighe van allen desen punten voirn., dat God verbiede, enich ghebreck, hinder of versuemisse in geviele of gheboirde van sculden of onachtsaemheyt der zusteren des convents voirn., so wil ic nu als dan, dan als nu, dat die zusteren sullen verboren ende verliezen die achte merghen lants metten renten ende profiten, geleghen aen die noertzide van Louwerys Damasz. woeninghe; ende ic wil, dat die vier morglien dan an zellen vaten ende annemen, als haer vry eygen goet, met allen profiten, renten ende baten, zonder yemants wedersegghen, in rechter aelmissen, die Cruysbroeders des convents binnen Sciedam; ende die ander vier merghen die priesteren ende clercken des huys sinte Jheronymus binnen Delf. Des zoe sellen die prior des convents der Cruysbroederen ende die pater des huys sinte Jheronymus voirn., nu wezende of namaels, ten ewighen daghen toe op haren conscientien hier toe zien, dat alle dese punten mynre begheerten volcomen ende volbracht werden ten ewighen daghen toe, zonder enich arch ofte list hier in te soekene. Ende den brief deser jaerlicxer wtreykinghe ende ander voirwairden ende conditien bezeghelt met 't convents zeghel sinte Urselen, dicwile voirn., begheer ic gheleyt ende bewairt te werden inden handen of houdinghe des paters des huys sinte Jheronymus voorsz., of paters of biechtvaders des convents van S. Aechten binnen Delf. Item, gheef ic der ouder kerck ende oec der nywer binnen Delff, item dat oude gasthuys yghelic een Wilhelmsche scilt; sinte Joris Item sinte Christoffels gasthuys, yeghelye vanden drien 10 stvs. gasthuys,yeghelye Item den sieken te Betaniën, Item nonnen- of zusterhuys binnen Delff', Item die sustergens in 't heylige Geesthuys, Item, die borthouwers, Item, die vII. ghetiden indie oude kerck, 10 stvs een yeghelyc. yeghel. I. pont Holl. Item, die Minderbroederen binnen Delff tot drie maeltiden, wtvaert, sevendach ende maenstond, ofte als 't hem best dient, omtrent dese daghen voorn., VIII. pont Holl. Item, onsen tween priesteren, den oversten drie silveren lepelen met vergulde knoppen, den ondersten twee silveren lepelen van gheliker wairden ende formen. Item, onsen twee costergens, yeghelyc x. scellinghen. Item, Katherinen ende Jutte haer zuster, Jan van Loon dochteren, of enich van hem beyden, die my verleeft, also veer als zy met my bliven of blivet woenen, anders niet, eens vyftich pont Holl. Item, heer Pauwels vander Soe Jacobsz. een alve, ofte laken daertoe. Item, den convente der regulier Oirden buten Haerlem, die broederen mede te vermaken, omtrent der tyt mynre verscheydinghe, te wine II. pont. Item, yegelyck persoen opt beghynhoff woonaftich, 1 stvr ende een wittebroet van een oertgen. Item, noch vII. nobelen tot zevenwerf XXXII. missen, in steden of cloosteren der myn myn begheerten toe wesen sal of myn testamentoers, alzoo ver als ickt zelver niet en beschicke: Ende zyn myn Biechtvader, Claeys Heuyter Willemsz., Willem Pyn Aelbrechtsz. ende een yeghelyc van hem een silveren lepel. Item wil ende begheer ic, dat of men enighen scriften by my of by enighen van myn testamentoers of yemants anders, die ic dat ghetrouwen of gheloven sal, nae mynre doot, bevonde, dezen bovengescreven testamente of wterste wille yet ofdoende of toedoende tot godliken saken, of anders met myns selfs hant ghescreven of yements anders, die ghelooflic is, met eens goets mans seghel beseghelt, den scriften wil ic, dat stae ende geloove ende houde, ghelyc die ander punten inden principael instrumente des notarius gescreven, zonder yet anders daer in te trecken, In't jaer ons Heeren M.CCCC.LXVII., den x. dach in decembri. In dorso: Item, dit is dat wtscrift des notarius myns testaments, wten latine in duytschen gheset, ende is des notarius eyghen hant gheschreven. Anno LXVII., den X. dach in decembri. ITEM DIT IST TESTAMENT VAN HERE ALLERT PIETERSZ., ONSEN MEDEPRIESTER. Item, in den eersten soe bespreeckt hy Gode almachtich syne siel ende syn lichaem ter aerden. Item, noch soe en is zyn wtterste wille, dat alsulcke penninghen ende gueden, die hem bestorven waren van vader ende moeder, sal. gedachten, als c. pont Holl. ende vi.; item, noch mede die LXX. pont Holl. van myn eerste misse geve ick, here Allert Pietersz. voorsz., ende bespreeck onsen convent van S. Urselen binnen Sciedam voor my, ende myns vaders, moeders ende onser vrienden zielen van voir ons te bidden ewelyc. Item, noch bespreec ic, h. Allert voorsz. ons convent, die drie pont Holl. 'sjaers erflike renten, geleghen in Mees Henricxsz. woning, dair voir sal dat voirsz. convent ghehouden wesen alle jaers, ten ewighen daghen, te doen ende te houden ewige memory voir myn ende mynen vader ende moeder zielen, oick mede voir Martgen myn suster, nae hare doot; iner Martgen myn suster, also langhe als sy leeft, zal ontfangen van den voirgen. renten een half pont Holl. 'sjaers, ende naer haer selt bliven an voirsz. convent. Vlaemsch Item, noch soe is myn wterste wille ende bespreeck ons convent eens een pont gr. totten susteren in 'tghemeen, ende dairvoir sullen geven die pater ende mater alle die susteren te samen een ghemeen mael, ende sellen voor hem bidden ten ewigen daghen. Item, noch soo bespreeck ik één pond gr. den convent voorsz., om te copen een blaauw sarck, om te leggen opt graf, als ic doot ben. Item, noch bespreeck ick Martgen myn suster, myn beste huyc, van myn eerste misse gehouden. Item, noch bespreeck ik onsen provisoor van Schielant een stoop wyns. Item, noch bespreeck ick, h. Allert Pietersz., ons convent voorsz. een silver lepel, die my besproken is van pater Florys, sa. ged. Item, noch bespreek ik Clays Pietersz., myn broeder, een beslagen yzeren kistgen, 'twelck ick gekoft hebbe van Koert. Item, myn executoers ofte testamentoers van den testament voorsz. sellen wesen hr. Pieter Claesz., pater van desen huyse, ende Claes Pietersz., myn broeder, ende die pater voornoemt bespreec ick ende sel hebben voir synen arbeyt die silveren cop, ende Clays Pietersz. sel hebben voer synen arbeyt die silveren scael. Item, off hier yemant teghen dit voorsz. testament yet tegen seggen of doen wilde, soe is myn wterste wille, dat alsdan ons voirsz. convent dese voirgenoemde goeden te samen sullen nemen ende ontfangen ende nymant anders. Item, op desen selven tyt soe hebben Clays Pietersz. ende Ymme Jansd. denselven convent voirn. gegheven ende ghemaeckt tot een ewighe testament oeck alsulcke 15 pond Holl., gheleghen inde voorsz. woning, dairvoir dat convent sel wesen ghehouden te doen haer beide ewige memory, alle jaers op haren sterfdach; mer deze renten sellen sy ontfangen also lange, als sy beyde in levende lyf syn. Et ego Petrus... auct. imper. nts. de Sciedam, dum haec agerentur et fierent, praesens interfui, vidi et audivi, quod testor manu mea, presentibus Petro Ogery de Haerlem, Arnoldo fil. Theodorici de Sciedam, viris fide dignis, die septima novembr. P. H.... DE SCIEDAM, sbst. MEESTER ARNOUT JACOBSZ. TESTAMENT. J. H.S. Inden name des Vaders, des Zoens ende des heylighen Geestes. Ick Harnout Jacobsz., priester, by oorlove ende consent onses genadigen heren, gecoren ende geconfirmeert bisscop van Utrecht, ende zynen eerw. domproost, maecke ick myn testamente ende is myn wterste wille, gaende ende staende ende gesont van live ende machtich myns verstants, met mynen vryen moetwille, in maniere hier nae volgende: Inden eersten soe maecke ick God almachtich myn naekte ziele, biddende Marien, die fonteynen der gratien ende genade, maget, ende mueder ons heeren Jhesu Christi, ende alle Sancten ende Sanctinnen, dat zy alle den almachtighen God willen bidden, dat hy die doer zyne groter onfarmicheyt een plaetse in zynre heylighe woenstede geven, gonnen ende verlenen wille; ende myn lichaem bespreeke ick der heyligher gewyder aerde. Item, ick bespreecke ende maecke onsen genadighen here van Utrecht voern. ende zynen eerwaerdighen domproost ende archideken, elex een Karolus gulden van twintich stuyvers. Die fabryk tot Utrecht thien stuyvers. Onsen eerwaerdighen heeren provisor ende deken van Delflant elcx xv. stuyvers. Item, die oude prochiekerk binnen Delflant, vyff stuyvers gr. Vls. Item, S. Cornelis capelle vyff stuyver. Item, S. Hieronymus broerhuys een rynsgulden. Item, die pastoer van de oude kerk een rynsgulden. Item, die capellanen altesamen aldaer xv. stuyv. voer tsondachs gebet. Item, heer Jan van Goch, canonik tot Oudemunster t'Utrecht, indien hy in levende, live is na myn overlyden, twintich rynsgulden, biddende hem daermede omme quytscheldinghe van alle datte wy met malcanderen wtstaende hebben ofte tot zynen wille te zyne. Item, noch maecke ick Marietgen Harnouts dr., professide suster tot S. Urselen susterhuys tot Schiedam, 't beeldeken van S. Marie Magdalene, staende voor in myn huys. Item, noch maeck ick elcken ende een yegelyken van myn susters kynderen, hoeft voer hoeft, drie gulden, ende elck kints kint, hooft voor hooft, een Carolus gulden, t'xx. stv. Item, noch maecke ick Aechts Gerritz dr., voor menighe trouwe dienst, die zy my gedaen heeft, acht jaren gedurende ende aen malcanderen volgende, van die penningen, die van myn huys jaerlix zullen incomen, alle jaers twee pont gr. Vls, indien zy die acht jaren beleefft, ende indien zy binnen die acht jaren overleden wort, soe sellen die resten, die onverschenen zyn, sterven, die een helft op suster Marietgen Harnouts dr. voorsz. ende tot reparatie van haren clederen, offte dat zy alsdan behoeven sal, indien sy oock in leven lyve is, ende soe lange die acht jaren gedueren sellen, ende indien zy eer overleden ware, soe sellen die resten met die helft, resterende van die acht jaren, by 't overlyden van Aechte Geryts dr. voorsz., sterven op mynen gerechten erve, nu ter tyd wesende. Item, noch maecke ick Aechte Geritsd. voersz., 't koetsgen mettet koetsbeddeken ende met zyn toebehoren van dekenen ende slaeplakenen ende oircussens, ende myn bedde, daer ick dagelicx op slape, met die slaeplakenen daertoe dienende, ende met die rode dekenen, die op die voorkamer leyt. Noch maek ick Aechten voorsz., dat tresoer, dat voer in't huys staet, met die 6 tinne kannetjes, daer op staende, ende met den bekertgen ende 't waterpotgen, daer onder 't tresoer staende. Noch make ick Aechten voorsz., vier van de kleyne tinne platielen ende twee met die meeste; ende die kleyne zauriertgens ende teliuren, die my ghegheven waren op myn eerste misse met den bordenhuysgen, daer die inne staen. Ende twee metalen candelaren ende 't beckentge, dat my op myn eerste misse gegeven was. Noch geef ick haer alle, dat zy by myn van clederen ende juwelen ende anders vercregen heeft, ende dat tot haeren ... toebehoort. Noch maecke ick haer, dat derdedeel van 't yserwerck ende alle ardtwerck, ende dat derde deel van turff ende hout, van butter ende kaesen ende andere eetlyke costen, ende noch twe tinnen mengelsche wyncannen ende een pints tinnen wyncannetje. Gecollat. ende gecopieert teghen die originael brief, gescreven by meester Harnoudt Jacobsz. zyn eygen handt, ende accordeert, by my JOA. AMERA Delphus. nts. TESTAMENTUM EGBERTI BOR, PASTORIS IN LOPICK, Haec est scedula testamenti D. Egberti Bor, pastoris in Lopick, et vicarii ecclesiae beatae Mariae Trajecten., quam comprehendi voluit et vult sub testamento seu ultima voluntate sua coram notario publico et testibus rite factis eamque valere, proinde acsi de verbo ad verbum descripta fuerit in eodem. Item, primo commendavit animam suam, cum de corpore egressa fuerit, omnipotenti Deo, beatissimae virgini Mariae et toti curiae celesti, et corpus suum ecclesiasticae tradi voluit sepulturae, in porticu ecclesiae beatae Mariae Trajecten. apud sepulturam D. Henrici de Wyck juxta januam ambitus ecclesiae. Item, elegit pro executoribus suis dominum Albertum Scuersack, canonicum et scholasticum ecclesiae beatae Mariae Trajecten., dominum Wilhelmum Beyer, semiprebendatum prebenda episcopali in ecclesia praedicta, et Godefridum de Hey, presbyterum officiatum ecclesiae ejusdem, petendo ab iisdem, ut hujusmodi onus velint propter Deum assumere, faciendo, sicuti ipsi velint in sua executione testamentaria eis fieri. Item, donavit praedictus testator minori camerae ecclesiae nostrae unum jugerum in Lopick pro memoria sua, de quo tamen habent celebrantes ecclesiae nostrae unum loot arg., juxta formam literarum desuper factarum. Item legavit filiae suae naturali triginta duos flor. Aernem. cur. pro quolibet flor. praedictorum VII st. computan. Item, adhuc filiae suae praedictae legavit unam amphoram stanneam unius quartae, in qua vinum auferri solet, cum una vlescula etiam stannea unius quartae. Item, adhuc legavit filiae suae praedictae ollam cupream cum cacabo minore, maximo cacabo cupreo. Item, adhuc filiae suae praedictae legavit sex scissoria stannea. Item, Elisabeth ancillae suae legavit optimum suum tabbardum nigro foderatum mit bunsinck. Item, adhuc ancillae praedictae legavit lectum cum lectisternio et lintheaminibus et aliis attinentiis. Item, adhuc legavit ancillae suae praedictae tringinta flor. aernem. pro quolibet VII st. computan. Item, legavit Hermanno Johannis in Lopick propter Deum cacabum max. cupreum. Item, legavit Margaretae sorori Godefridi de Hey, presbyteri. . . . mit een waterpott. Item, petiit et voluit dari singulis monasteriis civitatis Trajecten. infra muros et extra unum flor. r. cur., vt celebrando in die obitus sui orent pro anima sua. Item, petiit et voluit testator praedictus omnia alia per eum relinquenda debitis suis et legatis solutis ministrari et dari pauperibus, prout executoribus suis videretur saluti animae suae expedire. Ita est Egbertus Bor. Inventarium pecuniarum praedicti D. Egberti Bor traditarum dno Alberto Scuersack, canonico et scolastico ecclesiae nostrae beatae Mariae Trajecten. |