Ende doe aldus, als voirsz. is, dese cedule, inhoudende onse voirsz. wtsprake, gelesen was, soe hebben beyde die voirser. partyen, voir hem ende horen nacomelinghen, alle punten dair in begrepen consentiert ende gheloeft te houden, op buten ende pene daer inne bescreven, begherende van ons te hebben onse teghenwoirdighe brieve bezeghelt, als dat behoirt, in form ende manieren van een ofte meer instrumenten, tot ghedenkenisse ter ewigher memorien. In kennisse der waerheit van al tgunt dat voirsz. is, soe hebben wy Everaert segsman voirsz.. ther begheerte van beide parteyen voirsz., onsen teghenwoirdighen brieff doen beseghelen mit onsen ende der voirscr. cureyten ende des huses van sinte Maria Egyptiaca seghelen, ende mit des nabescreven notarys hant ende syn hantteyken doen teykenen. Dit aldus gheschiet, wtgesproken ende gelesen inden Doem t'Utrecht, int jaer ons Heren dusent vier hondert vyf ende sestich, op sint Pontiaens dach the prym tyt off daeromtrent, ende indat eerste jaer onse alreheilichste vader des anderen paeus Pauli; daer teghenwoirdich waren gheroepen ende ghebeden witaftighe luyten, heren Henric Bor, vicarius inden Dom t'Utrecht voirsz., meyster Peter van Amstelredam, priester, ende Lubbert Jansz., van Zwolle gheboren, leken des crysdoms van Utrecht.

Ende ick LAURENS GARBRANSZ. VAN HOERN, clerck des crysdoms van Utrecht, ende openbare notarius van paeuslike ende keiserl. machten, want ick de voirgen. cedule ghelesen heb, ende in alle voirg. punten des huse voirsz. by over ende an heb gheweest, als voirsz. is; daerom heb ick desen brief ende dit openbaer instrument zelf ghemaeckt ende wt beveel des eerbare heren Everaert Zoudenbalch, canonick ende segsman voirsz., mit sinen ende mit der voirsz. cureyten ende des huses van sinte Maria Egyptiaca seghelen wthanghende beseghelt, ende mit myn selfs hant ende ghewoentlyck hantteyken gheteykent; in oirkonde van all tgheen voirsz. is.

6.

David de Burgundia, Dei et apostolicae sedis gratia episc. Trajecten., ad universorum notitiam deducimus et deduci volumus per praesentes.

Quod nos ad humilem petitionem dilectorum nobis in Christo, magistri Arnoldi Helyae et Joannis Foeyt, curatorum ecclesiae nostrae S. Nicolai, nec non devotarum sororum domus beatae Mariae Egyptiacae Trajecten. sententiam arbitralem ipsiusque pronunciationem sive ordinationem, de quibus in litteris sive instrumento publico, quibus vel cui hae nostrae literae extant transfixae, mentionatur, omniaque alia et singula in eisdem literis sive instrumento codem conscripta, narrata et conditionata, prout rite et licite lata, pronunciata et ordinata sunt atque facta, ex certa scientia ratificamus, approbamus, rata et firma habemus atque auctoritate nostra ordinaria in Dei nomine confirmamus, nostrarum testimonio literarum. Dat. nostro sub sigillo ad causas praesentibus appenso, anno Dni millesimo quadringentesimo sexagesimo quinto, mensis aprilis die prima.

WILHELMUS BUER, sbst.

7.

Inden naem Goids, amen. By desen teghenwoirdighen instrumente sy kenlic allen luden, dat inden jare nader gheboirten ons Heren dusent vyf hondert ende sess, inder neghender in

dietie, opten achten dach inder maent majo, omtrent te tien uren voorden middach, indat derde jaer des paeusdoms ons alreheilichste vaders in Christo, heren, heren Julii, des anderde paeuwes dies naems, die eersame, devote persoenen, als: Christina Jansdochter, mater, Weym Jansdochter, ondermater, Antonia Jansdochter, Barbara Thomasdr., Margareta Jan Rynvischdr. van Campen, Gherarda Gherytsdr., Nysa Alartsdr. ende Aeken Rait Petersdr., als doutste susteren ende conventualen van sinte Marien Magdalenen cloester, gheheyten: te bekeerde susteren, binnen Utrecht, ende tselve convent representerende ende tcapittel van dien makende, in teghenwoirdicheyt van my notarys ende ghetuyghen, hier onder ghescreven, in hoere ghewoentlike camer van ghelyke capittel, ende dinghen te verspreken, te tracteren, te sluten ende concluderen, in namen hoirs capittels vergadert wesende, ende daertoe sonderlinghe byeen gheroepen, mit wysen, rypen rade ende by horen vryen eygen moetwille, sonder yemant hem daertos te bedwinghen, voir hem ende haren nacomelinghen, hebben eendrachteliken, oick by consent vanden ghemeenen huse ofte convent voirsz., ende heren Goesen, hoirs paters, overcomen, consentiert ende ghesloten, inder alderbeste manyere, dat sy hebben gheconnen off ghemoeghen, nae rechte styll ende forme van rechte, navolghende t'inhout vander rechter yerste fundacie vanden convent voirsz., dat sy altyt voirtaen sellen alle vrouwe personen, ghebrekelyk in regimente hoers levens, die van binnen Utrecht off van binnen der vryheyt van Utrecht wonen, hem presenteren, ofte hem presenteert sullen worden, om in horen convente voirsz. ontfanghen te wesen, om hoir leven aldaer te moeghen beteren, sellen ontfanghen ende in nemen ende sulken persoenen des niet wedersegghen in enigher wys, mer hebben gheloift ende gheloven voir hem ende horen nacome❤ linghen daer inne ghenoech ende voll te willen ende te sullen doen, ten ewighen daghen, der fundacie des huys voirsz., ende oick daer inne niet ghebrekelyk te wesen tot enighen tyden, ende hebben oick soe veel meer gheloeft in handen myns notaris, stipulerende, dat, al waert sake, dat hem twee personen ghelyck overquamen te ontfanghen, ende die een waer een maecht ende sonder ghebreken, ende dander waer een persoen van ghebrekeliken leven, ende sy op sulk pass niet van staden en waren meer dan een teffens t'ontfanghen, dat sy alsdan yerst ontfanghen sellen die persoen van ghebrekelyken leven wesende, ende niet die ander, die sonder sulke ghebrekelycheit begheerden ontfanghen te wesen, om ymmers ghenoech te doen ende t'onderhouden die rechte fundacie vanden huse; oick niet teghenstaende, al ist, dat sy nu een proffessyt leven corts aenghenomen hebben, welck in den huse niet ghewoenlyc en plach te wesen; ende dit voirsz. hebben sy gheloeft ende gheloven ten ewighen daghen na te volghen ende te onderhouden, ende niet te verbreken, op een onderpant van alle hoers convents voirsz. gueden, die sy nu hebben of naemaels verkrighen moghen, ende gheloven hier teghens niet te doen, noch te doen doen, heymelic off openbaer, by hem off yemant anders, sonder alle arch ende list; ende hier teghen gheen privilegien te werven off te ghebruyken, al waert oic sake, dat sulke privilegien hen ghegheven werden van bisscoppen off paeuwsen off anders buten horen toedoen, ende hebben verteghen van allen rechten ende behulp van rechten, statuten ende ghewoenten, gheestelike ende weerlike, daermede sy hem souden moeghen behelpen, om dat voirsz. niet t'onderhouden ende niet na te volghen; op welke alle punten ende dinghen voirsz., die voirsz. mater ende andere susteren voirgen., voir heml. ende horen nacomelinghen, hebben ghebeden my notarys hem ende enen yeghelyken, die 't behoirt, te maken ende te gheven een ofte meer openbaer instrumenten, ende die mede te beseghelen mit hores convents seghell, twelck hiermede tot meere vesticheyt aen hebben doen hanghen.

sy

Dit is gheschiet t'Utrecht inden voirsz. convente, ter stede ende in tyt voirsz., aldaer teghenwoirdich wesende die eerbare ende discrete mannen Dirck Andriesz. van Ghenemudeu

ende Willem Woutersz., clercken des ghestichts van Utrecht, als ghetughen hier over ende aen gheroepen ende ghebeden. Et ego GERARDUS BEYER, clericus Trajecten., etc.

Transfixum. Fredericus de Baden, epcs. etc., quod ad nos, requisitionem matris et sororum conventus beatae Mariae Magdalenae sororum conversarum vulgariter nuncupati pro confirmatione primae fundationis ejusdem domus omnia et singula in instrumento publico, cui praesentes nostrae literae sunt transfixae, contenta, etc. Dat. sub sigillo nostro ad causas. anno millesimo quingentesimo sexto, die vero decimo mensis decembris.

8.

Wy suster Anna Knyffs, mater, Maryghen Willemsdochter, procuratrix, ende voirt dat ghemeen convent van sinte Maria Magdalena, gheleghen binnen Utrecht indie Oudellen, belyen ende bekennen myt dese ontfanghen te hebben van die weerdighen, eersamen, wyse ende discreten here, Johan die Coninck, canonick S. Peter t'Utrecht, here Johan van Neirden, pater des convents van Bethlehem buten by Utrecht, here Dirck Dirckszoen, priester tot Ophemert, ende Akryn Hermanszoen, als executoirs des testaments van saligher here Willem Punt, priester in syn leven, capellaen ten Dael by Utrecht, enen rentebrieff, sprekende op Jan ter Brugghen, casteleyn te deser tyt op bisschopshoff van tyen Carolus gulden sjaers losrenten, die penninck twyntich, ons by den selven heer Willem in testament ghegheven ende besproken, op condycien ende beloeften, dat wy daeroff jaerlicx wtreicken ende gheven sellen den thyen susteren, wonende in't groothuys opt baghynhoff, ende noch vyf susteren, wonende opt selve hoff inden nywe godscameren, ende daertoe noch vyff susteren, wonende in dat huys by sint Jacob bynnen Utrecht, elcken van alle dese susteren voirsz. jaerlix vyff stuvers, ende vanden anderen overloep sellen wy refectie hebben op sunt Anna off op onser liever Vrouwen dach praesentationis, nae onse goede ghewoenten; ende al dit voirsz. durende tot ewyghen daghen. Ende waert saek, dat wy hier inne enichsins ghebrekelick bevonden werden, soe sellen dese voirsz. renten terstont succederen ende comen opten rechte armen noethulp bynnen Utrecht, die de voirsz. susteren convent voirsz. is, jaerlycx wtreiken ende betalen sellen in maniere voirscr., sonder arch.

Des t'oirconde, soe hebben wy mater, procuratrix ende ghemeen convent voirsz., onse convents seghele hier beneden aen dese brieff doen hanghen; tenen oirconde deser brieve syn drie alleens sprekende. Ghegheven in't jaer ons Heren XV. neghen ende veertich.

9.

Nicolaus van Niewlande, bisschop tot Hebron ende suffragaen des bisdoms van Utrecht, doen kont allen luyden, dat wy, duer consent ende bevel van mynen eerwaerdichsten here ende vader, here Joris van Egmont, bisschop tot Utrecht, gheconsacreert hebben die achterkerke met een altaer, daer inne staende aende zuytsyde, staende int Magdalenen cloester, gheleghen op die nyewe gracht, welcke kerke voirsz. gheconsacreert is indie eere Godts almachtich, Marie synder liever ghebenedyder moeder, sunte Merten, sunte Nicolais, Maria Magdalenen, ende Maria Aegyptiaca met Martha, ende voirts alle lieve Godts Heylighen.

Item, het voirsz. altaer is gheconsacreert inder eren Godts, Maria synder liever ghebenedyder moeder, ende die drie heylighe Coninghen, etc.

Item, die jaerlixe memorie vander kerkwydinghe van deser voirsz. kerke met het voirsz. altaer sal men jaerlicx houden des sondaechs nae onser liever Vrouwen visitatie dach.

Item, soe wye dese voirsz. kerke met het voirsz. altaer alsdan visiteert, te weten opten korsmisdach, op alle die voirsz. patroendaghen ende patroenessen, hetsy met syn devote ghebet, off oick met syn aelmissen, die voirsz. kerk of altaer bistant doet, die sal verdienen XL daghen aflaets van weghen myn here van Utrecht voirn., ende noch XL daghen van onsent weghen.

Item, soe wye vanden susteren syn devote ghebet spreect, te weten VII pater noster ende soe vele ave Maria, ter eeren van die vII bloetstortinghen ons salichmakers ghebenedyt, boven opt choer vanden susteren, voir dat graff ons heren, oick desghelicx voir dat crucifix, dat daer hangt, ende oick voir dat beelde ecce homo, soe dicmael als sy dat doen. sullen verdienen den selfden aflaet, als boven.

Dit is gheschiet in't jaer ons Heren duysent vyff hondert vyftich, opten lesten dach juny. Dit is gheschiet den jare ende daghe als boven, daer ic by was, als capellaen van myn eerwaerdighe here van Hebron voirsz., ende meer goeder luyden.

J. DE HEELT.

10.

Anno XV.LXIV., opten neghensten dach van december, soe heeft dye hoochweerdighe heer, myn heer de eertsbisschop van Utrecht, beghifticht ende verzien Maximiliana Pauwelsz, van Onckels dr. met een proven van S. Maria Magdalenen convent bynnen Utrecht. Ordineert daerom ende versouckt syn hoochweerden G. dye mater ende conventualen des voirsz. convents, dat sy Maximiliana voirsz. in hoer convent, ter eeren Gods ende huer zielen zalicheyt, zonder enich wedersegghen, ontfanghen. Actum uts.

Door bevel vanden hoochweer. Heere voirsz.

LAMSWEERDE.

11.

Ik Pauwels van Onckele, drossaert opte wittevrouwen poorte hier binnen die stadt van Utrecht, bekenne mits desen voir my ende myne nacomelinghen, ontfanghen te hebben vande eerbare mater des convents van sinte Maria Magdalena cloester binnen die voirn. stadt, de somma van twintich gulden vierthien ende enen halven stuver, gherekent gelts, mits noch twee rocken, die de voirsz. mater voir Maximiliana, myne dochter, ghegheven heeft, ende dat ter causen vant ghene dat ic tot behoeff vande voirsz. myne dochter ghecocht hadde, voir de welcke ic Pauwels voirsz. verworven ende vercreghen hadde aen onsen eerw. heere, myn heere den aertsbisschop vanden lande van Utrecht, alsulken stede ende ghifte, als syndre eerw. inden voirsz. convente competeerde, achtervolghende het bescheyt van onsen voirsz. eerw. heere daerop verleent; aenghesien ende ghemerct, dat die voirn. Maximiliana, myne dochter, nyet bequaem noch ghestelt en is, om de voirsz. stede te ghebruken, soe heb ik Pauwels voirn. de voirsz. mater, tot behoeff ende ontlastinghe vande voirsz. conventualen, ghegheven ende ghelevert tvoirsz. bescheyt vande voirn. stede off ghifte, sulcx als ic daervan hadde; soe renunciere ende vertyede ic Pauwels voirn. mits desen vande voirn. stede: ende voirts belovende de voirsz. mater ende conventualen, nu noch ten ghenen tyden meer

mitter voirsz. stede te molesteren off te quellen, ende voirts bedanckende de voirsz, mater van huer goede betalinghe ende goede duecht ende vruntscap, sonder arghelist.

Oirconden der waerheyt soe heb ik Pauwels van Onkele voirsz. dit doen schryven, ende dit met myn gewoentlick hantteyken ondertekent.

Actum desen negentiensten dach van april, anno XV. vyffende sestich.
By my, PAUWELS VAN ONKELE.

12.

Soe

Wy Johan van Renesse van Moermont ende Ghilain Scrivers, griffier inden hove t'Utrecht, als executoeren vanden testamente van juffrouw Agniese van Leuwenberch, doen te weten enen ygheliken, hoe dat wy by goede deliberatie gheaccordeert hebben met der mater ende ghemeen convente vanden Magdalenen binnen Utrecht, beruerende alsulke thyen loet sulvers, als sy sinte Quintyns gasthuys plaghen te gelden ende geven, waer jegens wy die vanden convente vanden Magdalenen weder schuldich waren jaerlicx elf stuyvers, ende soe dan die vanden Magdalenen liggende hadde sekere vierkante ledich erve, after onse husinghe, die wy staende hadde op die nieu grafte, besiden harer huysinghe, ende die huysinghe, daer den ryder uythangt, welke huysinghe wy verkoft hebben Goert Stevensz., barbier: ist, dat wy te samen mitten anderen veraccordeert ende vereenicht zyn, dat wy tselve erve erffliken hebben ende aen den voirsz. husinghe behouden sullen, nu ende ten ewighen daghen; des soe sullen die vanden convente vanden Magdalenen, mitsgaders die ghemeen broederscap weder ten beyden syden vry ende quyt syn van alsulke jaerlicxe uytghanck, als wy d'ene den anderen jaerlicx schuldich waren ende plaghen te gelden, scheldende den voirn. convente ende allen nacomers daervan gans, gheheel ende al vry ende quite voir ons ende onsen nacomers nu ende ten ewighen daghen; alle dinck sonder arch ende list; want wy tghene voirsz. staet, vast ende in weerden houden willen, voldoen ende nagaen, soe hebben wy den seghelen vandie broederscap vanden huyse Leuwenberch hier aen doen hanghen. Ghegheven int jaer ons Heren duysentvyf hondert ses ende sestich, die derden dach in aprile.

13.

Wy suster Anna Gerit Knyfs dochter, mater, Margriet Ysacxsz., suppriorinne, Margriet Henricxz., procuratrix, ende voorts tgemeen convent van sinte Maria Magdalena, anders genaemt: die bekeerde susteren, geleghen inder Oudellen aen der nyegraft binnen Utrecht, doen condt allen luyden, ende bekennen mits desen voir ons ende onse nacomelinghen ontfanghen te hebben wt handen van jufvrouw Josina Johan Ruysch Alphartsz. dochter, joncker Johan van Reness van Culenborchs weduwe, een losrente brieff, sprekende op Bernt Proeys ende juffr. Catryn Poths, syn huysfrou, daer die hooftsomme off is hondert ses ende veertich gulden ende thien stuyver, van date XV. ses ende sestich, den yersten decembris, ende daer toe noch die somme van eens vyf ende seventich gulden aen gelde, maeckende tesamen twee hondert een ende twyntich gulden ende tien stuvers, daer wy voir beloeft hebben ende beloven mits desen voir ons ende onse erfgenamen nacomelinghen, nae voirgaende goede deliberatie ende communicatie, alsoe dat wy van nu voortaen, tot ewyghen daghen houden sellen des voirn. jonker Johan van Reness van Culenborchs saligher ende oick juffr. Josina, zyns huys