Eclesiae va

Benedictus Papa XIV.

ad futuram rei memoriam. Quod non humana etc. ut supra pag. 96. § 1. Eapropter nos, aegre ferentes paranti praeficit triarchalem ecclesiam praedictam Pastoris Archiepisc. Dadestitutam solatio, et tot tantisque inter haereticos, schismaticos, maumethanos, et infideles, veluti rosam inter spinas, circumdatam angustiis et calamitatibus, amplius vacare, ad provisionem eiusdem patriarchalis ecclesiae Antiochenae celerem et felicem, ne ecclesia ipsa Antiochena maioribus longae vacationis exponatur incommodis et dissidiis, paternis et solicitis studiis intendentes, ac perspectam habentes notitiam de eximiis virtutibus fraternitatis tuae in tua ad archiepiscopatum Damascenum promotione plurimi habitis, necnon quod tu venerabilium fratrum nationis Maroniticae Antistitum Decanus sis, et apud nos plurimorum fide dignorum testimonio commenderis, postquam de praeficiendo eidem ecclesiae Antiochenae praedictae nationis personam utilem, ac etiam fructuosam, cum iisdem Cardinalibus dictae Congregationis particularis deliberationem habuimus diligentem, te a quibusvis excommunicationis, suspensionis et interdicti, aliisque ecclesiasticis sententiis, censuris et poenis, si quibus quomodolibet innodatus existis, ad hoc dumtaxat, ut translatio et praefectio per Nos, ut infra, facienda, necnon praesentes suum sortiantur effectum, harum

(1) Ex Bull. P. de Prop. Fide vol. III., pag. 87.

Damasc. vincu

Cum praecepossessione.

serie absolventes et absolutum fore censentes, ac a vinculo, quo dictae Ecclesiae Damascenae, cui praees, teneris, de simili consilio et apostolicae potestatis plenitudine absolventes, ad eamdem ecclesiam Antio- Ab Ecclesiae chenam nationis praefatae, de consilio et lo absolutum. potestatis plenitudine paribus, transferimus, teque illi in patriarcham eiusdem nationis praeficimus et pastorem, curam, regimen et administrationem dictae ecclesiae Antiochenae nationis praedictae tibi in spiritualibus et temporalibus plenarie committendo; atque etiam non solum liberam tibi ad patriarchalem ecclesiam praefatam transeundi licentiam tribuimus, sed etiam in virtute sanctae obedientiae et sub indignationis nostrae, aliisque arbitrio nostro imponendis poenis, praecipimus et pto de capienda mandamus, ut patriarchalis ecclesiae huiusmodi possessionem, statim ac praesentes nostrae literae ad te pervenerint, nulla interposita mora, adeas et capias, atque omnia et singula iura, auctoritatem, potestatem, praeeminentiam, praerogativas, iurisdictionem, privilegia, aliaque huiusmodi ad patriarcham dictae patriarchalis ecclesiae pro tempore existentem quomodolibet spectantia, et quibus alii patriarchae ecclesiae praefatae praedecessores tui de iure, usu, et consuetudine, usi, gavisi et fruiti fuerunt, pari modo exerceas, ac iis utaris, fruaris et gaudeas: in illo, qui dat gratias et largitur praemia, confidentes, quod, dirigente Domino actus tuos, praedicta ecclesia antiochena nationis eiusdem sub tuo felici regimine regetur utiliter et prospere dirigetur, ac grata in eisdem spiritualibus et temporalibus suscipiet incrementa.

Societatis Iesu, et populo civitatis ac dioecesis Antiochenae eiusdem nationis, per apostolica scripta mandamus, ut suffraganei tibi tamquam membra capiti obsequentes, et capitulum tibi tamquam patri et pastori animarum suarum humiliter intendentes, exhibeant tibi obedientiam et reverentiam debitas et devotas; ita quod mutua inter te et ipsos suffraganeos gratia gratos sortiatur effectus, et nos eorum devotionem possimus propterea in Domino merito commendare; ac clerus te, pro nostra et eiusdem Sedis reverentia, benigne recipientes, et honorifice pertractantes, tua salubria monita et mandata suscipiant humiliter, et efficaciter adimplere procurent; populus vero te tamquam patrem et pastorem animarum suarum devote suscipientes et debita honorificentia prosequentes, tuis monitis et mandatis salubribus humiliter intendant, ita quod tu in eis devotionis filios, et ipsi in te per consequens patrem benevolum, invenisse gaudeatis: vassalli autem praedicti te debito honore prosequentes, tibi fidelitatem solitam, ac consueta servitia et iura tibi ab eis debita integre exhibere procurent; alioquin sententiam, sive poenam, quam rite tuleris sive statueris in rebelles, ratam habebimus et faciemus, auctore Domino, usque ad satisfactionem condignam inviolabiliter observari. Mandat electo, § 4. Volumus autem, quod tu, antequam ut fidei professionem emittat regimini et administrationi dictae patriaret iuramentum chalis ecclesiae Antiochenae nationis praefidelitatis praefatae te in aliquo immisceas, in manibus alicuius catholici Antistitis, gratiam et communionem Sedis Apostolicae habentis et in illis partibus degentis, fidei catholicae professionem a Sede praedicta Orientalibus praescriptam, iuxta unam, expresse emittere; et fidelitatis debitae solitum iuramentum, iuxta alteram, formas praesentibus adnotatas, praestare omnino tenearis, ac professionis fidei quam emiseris, et iuramenti huiusmodi, quod praestaveris, formas eidem Congregationi de Propaganda Fide de verbo ad verbum per tuas patentes literas tuo sigillo munitas, per proprium nuntium quantocitius destinare procures.

stet.

Forma professionis fidei.

§ 5. Forma autem professionis fidei, quam emittes, haec est: Ego Simon electus patriarchalis ecclesiae Antiochenae nationis Maronitarum firma fide credo, et profiteor omnia et singula, quae continentur in symbolo fidei, quo Sancta Romana Ecclesia utitur, videlicet: Credo in unum Deum, Patrem omnipotentem,

factorem coeli et terrae, visibilium omnium et invisibilium: et in unum Dominum Iesum Christum Filium Dei Unigenitum, et ex Patre natum ante omnia saecula, Deum de Deo, lumen de lumine, Deum rerum de Deo vero, genitum non factum, consubstantialem Patri, per quem omnia facta sunt, qui propter nos homines et propter nostram salutem descendit de coelis, et incarnatus est de Spiritu Sancto ex Maria Virgine, et homo factus est; crucifixus etiam pro nobis sub Pontio Pilato, passus et sepultus est, et resurrexit tertia die secundum scripturas, et ascendit in coelum, sedet ad dexteram Patris; et iterum venturus est cum gloria iudicare vivos et mortuos, cuius Regni non erit finis: et in Spiritum Sanctum Dominum et vivificantem, qui ex Patre Filioque-procedit, qui cum Patre et Filio simul adoratur et conglorificatur, qui locutus est per prophetas: et unam sanctam catholicam et apostolicam Ecclesiam; confiteor unum baptisma in remissionem peccatorum; et expecto resurrectionem mortuorum; et vitam venturi saeculi. Amen. Veneror etiam et suscipio universales Synodos, prout sequitur, videlicet: Nicaenam primam, et profiteor quod in ea contra Arium damnatae memoriae definitum est, Dominum Iesum Christum esse Filium Dei ex Patre natum unigenitum, idest ex substantia Patris natum non factum, consubstantialem Patri, atque impias illas voces recte in eadem Synodo damnatas esse, quod aliquando non fuerit, aut quod factus sit ex iis quae non sunt, aut ex alia substantia vel essentia, aut quod sit mutabilis, vel convertibilis Filius Dei; Constantinopolitanam primam, secundam in ordine, et profiteor quod in ea contra Macedonium damnatae memoriae definitum est, Spiritum Sanctum non esse servum, sed Dominum, non creaturam, sed Deum, ac unam habentem cum Patre et Filio Deitatem; Ephesinam primam, tertiam in ordine, et profiteor, quod in ea contra Nestorium damnatae memorine definitum est, divinitatem et humanitatem, ineffabili et incomprehensibili unione, in una persona Filii Dei unum nobis Iesum Christum constituisse, eaque de causa Beatissimam Virginem vere esse Dei Genitricem; Calcedonensem, quartam in ordine, et profiteor, quod in ea contra Eutychen et Dioscorum, ambos damnatae memoriae, definitum est,

unum eumdemque Filium Dei Dominum Nostrum lesum Christum perfectum esse in deitate et perfectum in humanitate, Deum verum et hominem verum, ex anima rationali et corpore, consubstantialem Patri secundum Deitatem, eumdem consubstantialem nobis secundum humanitatem, per omnia nobis similem absque peccato, ante saecula quidem de Patre genitum secundum Deitatem, in norissimis autem diebus eumdem propter nos et propter nostram salutem ex Maria Virgine Dei Genitrice secundum humanitatem, unum eumdemque Christum Filium Dominum Unigenitum in duabus naturis inconfuse, immutabiliter, indivise, inseparabiliter agnoscendum, nusquam sublata differentia naturarum propter unionem, magisque salva proprietate utriusque naturae, in unam personam, atque substantiam concurrente, non in duas personas partitum aut divisum, sed unum eumdemque Filium et Unigenitum Deum Verbum Dominum Iesum Christum: Item eiusmodi Domini Nostri Jesu Christi divinitatem, secundum quam consubstantialis est Patri et Spiritui Sancto, impassibilem esse et immortalem, eumdem autem crucifixum et mortuum tantummodo secundum carnem, ut pariter definitum est in dicta Synodo et in Epistola S. Leonis Romani Pontificis, cuius ore B. Petrum Apostolum locutum esse Patres in eadem Synodo acclamaverunt, per quam definitionem damnatur impia haeresis illorum, qui Trisagio ab Angelis tradito et in praefata Calcedonensi Synodo decantato, (Sanctus Deus, Sanctus Fortis, Sanctus Immortalis miserere nobis) addebant, qui crucifixus es pro nobis, atque adeo divinam naturam trium personarum passibilem asserebant et mortalem; Constantinopolitanam secundam, quintam in ordine, in qua praefata Calcedonensis Synodi definitio renovata est; Constantinopolitanam tertiam, sextam in ordine, et profiteor, quod in ea contra Monothelitas definitum est, in uno eodemque Domino Nostro Iesu Christo duas esse naturales voluntates, et duas naturales operationes indivise, inconvertibiliter, inseparabiliter, inconfuse, et humanam eius voluntatem non contrariam, sed subiectam divinae eius atque omnipotenti voluntati; Nicaenam secundam, septimam in ordine, et profiteor, quod in ea contra Iconoclastas definitum est, Ima

gines Christi ac Deiparae Virginis necnon aliorum Sanctorum habendas et retinendas esse, atque eis debitum honorem et venerationem impertiendam; Constantinopolitanam quartam, octavam in ordine, et profiteor in ea Photium merito fuisse damnatum, et Sanctum Ignatium Patriarcham restitutum. Veneror etiam et suscipio omnes alias universales Synodos auctoritate Romani Pontificis legitime celebratas et confirmatas, et praesertim Florentinum Synodum, et profiteor, quae in ea definita sunt, videlicet, quod Spiritus Sanctus ex Patre ex Filio aeternaliter est, et essentiam suam suumque esse subsistens habet ex Patre simul et Filio, et ex utroque aeternaliter, tamquam ab uno principio et unica spiratione, procedit; item dictionem illam Filioque, veritatis declarandae gratia, et imminente necessitate, licite ac rationabiliter Symbolo fuisse appositam. Item in azymo sive fermentato pane triticeo Corpus Christi veraciter confici, sacerdotesque in altero ipsum Domini Corpus conficere debere, unumquemque scilicet iuxta suae Ecclesiae, sive Occidentalis sive Orientalis, consuetudinem. Item si vere poenitentes in Dei caritate decesserint, antequam dignis poenitentiae fructibus de commissis satisfecerint et omissis, eorum animas poenis Purgatorii post mortem purgari, et ut a poenis huiusmodi relerentur, prodesse eis Fidelium vivorum suffragia; Missarum scilicet sacrificia, orationes et eleemosynas, ac alia pietatis officia, quae a fidelibus pro aliis fidelibus fieri consuescunt secundum Ecclesiae institutum, illorumque animas, qui post baptisma susceptum nullam omnino peccati maculam incurrerunt, illas etiam, quae post contractam peccati maculam, vel in suis corporibus vel eisdem exuta, sunt purgatae, in coelum mox recipi, et intueri clare ipsum Deum Trinum et Unum, sicuti est, pro meritorum tamen diversitate alium alio perfectius; illorum autem animas, qui in actuali mortali peccato, vel solo originali, decedunt, mox in infernum descendere, poenis tamen disparibus puniendas. Item Sanctam Apostolicam Sedem et Romanum Pontificem in universum orbem tenere primatum, et ipsum Pontificem Romanum successorem esse Beati Petri Principis Apostolorum, et verum Christi Vicarium, totiusque Ecclesiae caput, ac omnium Christia

norum patrem, ac doctorem existere, et ipsi in Beato Petro pascendi, regendi et gubernandi universalem ecclesiam a Domino nostro lesu Christo plenam potestatem traditam esse, quemadmodum etiam, ut eadem Florentina Synodus asserit, in gestis Oecumenicorum Conciliorum et in sacris canonibus continetur. Item legalia veteris Testamenti, seu Mosaicae Legis ceremonias, sacra sacrificia et sacramenta, Domino Iesu Christo adveniente cessasse et post promulgatum Evangelium sine peccato observari non posse; eiusdem etiam legis veteris ciborum mundorum et immundorum differentiam ad ceremonialia pertinere, quae surgente Evangelio transierunt. Illam etiam Apostolorum prohibitionem ab immolatis simulacrorum, et sanguine, et suffocato, illi tempori congruisse, ut inter iudaeos et gentiles dissensionis materies tolleretur, cuius apostolicae prohibitionis causa cessante etiam cessavit effectus. Pariter veneror et suscipio Tridentinam Synodum, et profiteor, quae in ea definita et declarata sunt, et praesertim offerri Deo in Missa verum, proprium et propitiatorium sacrificium, pro vivis et defunctis, atque in Sanctissimo Eucharistiae Sacramento, iuxta fidem quae semper in ecclesia Dei fuit, contineri vere, realiter, et substantialiter Corpus et Sanguinem, una cum Anima et Divinitate, Domini nostri Iesu Christi, ac proinde totum Christum, fierique conversionem totius substantiae panis in Corpus, et totius substantiae vini in Sanguinem, quam conversionem catholica Ecclesia aptissime transubstantiationem appellat, et sub unaquaque specie et singulis cuiusque speciei partibus, separatione facta, totum Christum contineri. Item Septem esse novae legis sacramenta a Christo D. Nostro instituta ad salutem humani generis, quamvis non omnia singulis necessaria, videlicet Baptismum, Confirmationem, Eucharistiam, Poenitentiam, extremam Unctionem, Ordinem et Matrimonium, illaque gratiam conferre, et ex his Baptismum, Confirmationem et Ordinem iterari non posse. Item Baptismum esse necessarium ad salutem, ac proinde, si mortis periculum immineat, mox sine ulla dilatione conferendum esse et a quocumque et quandocumque sub debita materia et forma et intentione collatum, esse validum. Item Sacramenti Matrimonii vinculum indissolubile esse, et, quamvis pro

pter adulterium, haeresim, aut alias causas possit inter coniuges thori et cohabitationis separatio fieri, non tamen illis aliud matrimonium contrahere fas esse. Item apostolicas et ecclesiasticas traditiones suscipiendas esse et venerandas. Indulgentiarum etiam potestatem a Christo Ecclesiae relictam fuisse, illarumque usum christiano populo maxime salutarem esse. Pariter quae de peccato originali, de iustificatione, de sacrorum librorum, tam veteris quam novi testamenti, indice et interpretatione in praefata Tridentina Synodo definita sunt, suscipio et profiteor. Caetera item suscipio et profiteor, quae recipit et profitetur S. R. E., simulque contraria omnia et schismata et haereses ab eadem Ecclesia damnatas, reiectas et anathematizatas, ego pariter damno, reiicio et anathematizo. Insuper Romano Pontifici Beati Petri Principis Apostolorum successori, et Iesu Christi Vicario veram obedientiam spondeo, ac iuro. Hanc fidem catholicae Ecclesiae, extra quam nemo salvus esse potest, quam in praesenti sponte profiteor et veraciter teneo, eamdem integram et inviolatam usque ad extremum vitae spiritum constantissime, Deo adiuvante, retinere, ac confiteri, atque a meis subditis, vel illis, quorum cura ad me in meo munere spectabit, teneri, doceri et praedicari, quantum in me erit, curaturum, ego idem Simon Electus, modo quo supra, spondeo, voveo et iuro, sic me Deus adiuvet et haec Sancta Dei Evangelia.

menti fidelita

§ 6. Forma vero iuramenti, quod prae- Formula iurastabis, haec est: Ego Simon, electus pa- tis. triarchalis ecclesiae antiochenae nationis Maronitarum, ab hac hora in antea fidelis et obediens ero B. Petro Sanctaeque Apostolicae Romanae Ecclesiae, ac Domino Nostro Benedicto Papae XIV., suisque successoribus canonice intrantibus; non ero in consilio, aut consensu, vel facto, ut vitam perdant, aut membrum, seu capiantur mala captione, aut in eos violenter manus quomodolibet ingerantur, seu iniuriae aliquae inferantur, quovis quaesito colore: consilium vero, quod mihi credituri sunt per se, aut nuntios, seu literas, ad eorum damnum, me sciente, nemini pandam: Papatum Romanum et Regalia Sancti Petri adiutor eis ero ad defendendum et retinendum contra omnem hominem: Legatum Apostolicae Sedis in eundo et redeundo honorifice tractabo

et in suis necessitatibus adiuvabo: iura, honores, privilegia et auctoritatem R. E. Domini nostri Papae et successorum praefatorum conservare, defendere, augere et promovere curabo; nec ero in consilio, facto vel tractatu, in quibus contra ipsum Dominum nostrum, vel eamdem Romanam Ecclesiam, aliqua sinistra vel praeiudicialia personae, honoris, iuris, status et potestatis eorum machinentur, et si talia a quibuscumque procurari novero, vel tractari, impediam hoc pro posse, et, quanto citius potero commode, significabo eidem Domino nostro, vel alteri, per quem ad ipsius notitiam poterit pervenire. Regulas Sanctorum Patrum, decreta, ordinationes, sententias, dispositiones, reservationes, provisiones et mandata apostolica totis viribus observabo, et faciam ab aliis observari; Haereticos et schismaticos ac rebelles Domino nostro et successoribus praefatis pro posse persequar, et impugnabo: vocatus ad Synodum veniam, nisi praepeditus fuero canonica praepeditione. Apostolorum limina singulis decenniis personaliter, ac per me ipsum, visitabo, et Domino nostro et successoribus praefatis rationem reddam de toto meo pastorali officio, deque rebus omnibus ad ecclesiae meae statum, ad cleri et populi disciplinam, animarum denique, quae meae fidei creditae sunt, salutem quoquomodo pertinentibus, et vicissim mandata apostolica praefata humiliter recipiam, et quam diligentissime exequar. Quod si legitimo impedimento detentus fuero, praedicta omnia adimplebo per certum nuntium ad hoc speciale mandatum habentem de gremio capituli mei, aut alium in dignitate ecclesiastica constitutum, seu alias personatum habentem, aut, his mihi deficientibus, per dioecesanum sacerdotem, et, clero deficiente omnino, per aliquem alium presbyterum saecularem vel regularem spectatae probitatis et religionis de supradictis omnibus plene instructum; de huiusmodi autem impedimento docebo per legitimas probationes ad S. R. E. Cardinalem proponentem in Congregatione Sacri Concilii Tridentini per supradictum nuncium transmittendas. Possessiones vero ad mensam meam pertinentes non vendam, neque donabo, neque impignorabo, neque denuo infeudabo, vel aliquo modo alienabo, etiam cum consensu capituli

(1) Ex Bull. de Prop. Fide vol. III., pag. 87.