Sayfadaki görseller
PDF
ePub

CAP. VII. Cœlestium mensium disparilis mensura, in parapegmatum descriptionibus a Metone, Eudoxo et Chaldæis adhibita. Ortuum et occasuum stellarum ipsarum, pro varia temporum et locorum ratione, discrepantia: locorumque et temporum, quibus diversorum authorum parapegmata sunt adaptata, designatio.

[ocr errors]

EPHEMERIS anni Macedonici et Asiani, cum Juliano collati: addito etiam stellarum inerrantium ortu et occasu, ac tempestatum præsagiis; ex veterum astronomorum, quæ Asiam, Thraciam, Macedoniam et Græciam spectabant, parapegmatum reliquiis.

Pag.

401

413

DE MACEDONUM ET ASIANORUM

ANNO SOLARI,

DISSERTATIO,

&c. &c.

CAPUT I.

De mensibus solaribus a Macedonibus Græciæ dominatu jam potitis, lunarium loco in usum civilem introductis; et iisdem Asiæ imperium postea obtinentibus, a Syromacedonibus et Asiæ proprie dictæ incolis varie usurpatis.

66

PHILIPPUS rex Macedonum ab Amphictyonibus, ex quibus commune Græciæ constabat concilium, bellia sacri contra Phocenses dux constitutus, ad Peloponnesiorum magistratus scripsit literas, a Demosthene in oratione de Corona recitatas: in quibus mandatum ipsius, hisce verbis expressum legitur: “ "Ωστε συναντᾶτε μετὰ τῶν ὅπλων εἰς τὴν Φωκίδα, ἔχοντες ἐπισιτισμὸν ἡμερῶν τετταράκοντα, τοῦ ἐνεστῶτος μηνὸς Λώου, ὡς ἡμεῖς ἄγομεν, ὡς δὲ 'Αθηναῖοι, Βοηδρομιώνος ὡς δὲ Κορίνθιοι, Πανέμου. Quare armati nobis occurrite in Phocide, allato commeatu quadraginta dierum, hoc mense Loo, ut nos agimus: ut autem Athenienses, Boedromione; ut Corinthii, Panemo." Ubi, ut

a Diodor. Sicul. lib. 16. ad ann. 2. Olymp. 108.

Boedromionem Atticum lunarem Metonicum fuisse constat: ita ejusdem generis et Macedonicum Loum et Corinthiacum Panemum tunc extitisse, ipsa prudentiæ militaris ratio, cujus callentissimum Philippum fuisse nemo dubitat, plane exigere videtur. "Si enim tuba illius incertum dedisset sonum; quis præparavisset se ad prælium?" Si Atticus Boedromion fuisset, ut erat, lunaris; Macedonum vero Lous, aut Corinthiorum etiam Panemus, solaris: incertum omnino fuisset, quando in Phocide armatus Philippo occurrere teneretur Peloponnesiorum exercitus.

In Alexandri autem vita docet Plutarchus, Macedonas Loum mensem appellavisse eum, qui Atheniensibus erat Hecatombæon: menseque Dæsio superatas ab eis ad Granicum fuisse regis Persarum copias; quod mense Atheniensibus Thargelione factum, confirmat idem in Camillo. Quum enim Darii duces in trajectu Granici fluvii ingentem suam aciem instruxissent; a quibusdam Alexandro, ne cum illis congrederetur, religionem mensis objectam fuisse narrat. “ Δαισίου γὰρ οὐκ εἰώθεισαν οἱ βασιλεῖς τῶν Μακεδόνων ἐξάγειν τὴν στρατίαν. Mense enim Dasio non erat moris regum Macedonum educere exercitum." Quod correxit ille, “ κελεύσας δεύτερον ̓Αρτεμίσιον ἄγειν, edicens ut secundum agerent Artemisium." Mensis vero Thargelionis die sexto, (qui, juxta nostrum calculum, in Julianæ periodi anno 1380. Maii 20. fuit,) pugnam illam commissam fuisse; ex illis Æliani, in secundo Variæ historiæ libro, capite vigesimo quinto, colligimus. « Πέρσαι δὲ ἡττήθησαν Tỹ ǹμέpą τaúτη, Persæ hoc die clade affecti sunt." Et post: “ 'Αλέξανδρον δὲ τὸν Μακεδόνα, τὸν Φιλίππου παῖδα, τὰς πολλὰς μυριάδας τὰς τῶν βαρβάρων φθεῖραι, καὶ αὐτὸν λέγουσιν ἕκτῃ ἱσταμένου, (ὅτε καὶ Δαρεῖον καθεῖλεν ̓Αλέξαν δρος) καὶ ὁμολογοῦσι τοῦ αὐτοῦ μηνός πάντα. Alexandrum vero Macedonem, Philippi filium, multas Barbarorum myriadas fudisse dicunt die sexto (quando et Darium prostravit Alexander :) et de eodem mense magnus omnium

66

1 Corinth. cap. 14. ver. 8.

c Non cum Thebanis: ut, fallente eum memoria, ad annum mundi 3665. Jacobus Cappellus tradidit.

est consensus." Ut enim ad mensem Thargelionem, de quo institutus ab eo fuerat sermo, ita ad primam hanc a Persis reportatam victoriam, referenda ista esse dubitare non possumus; si prælium ad Issum mense Mæmacterione, ad Gaugamela mense Boedromione fuisse factum, ipsumque tandem Darium mense Hecatombæone cæsum a Besso fuisse, meminerimus. Sed et ad eundem sextum ejusdem Thargelionis mensis diem, Alexandri quoque mortem referri, Ælianus subjicit: quam sub fine Macedonici Dæsii contigisse, ex diariis regiis et Aristobulo, suo in loco declarabimus.

Ex quibus inter se collatis liquet, in Philippi quidem literis Loum Macedonicum Boedromioni Attico respondisse; succedente vero tempore, Macedonicum Loum in Hecatombæonem, ac Dæsium in Thargelionem incurrisse: et, quod inde est consequens, in universi anni dispositione hanc inter priores et posteriores menses intercessisse differentiam.

[blocks in formation]

Inter Olympiadis igitur CVIII. annum secundum, quo scriptæ a Philippo ad Peloponnesios sunt literæ, (vel illius Olympiadis primum, si in eo finem bello Phocico Philippus fecerit, ut in libri decimi initio tradidit Pausanias) et

« ÖncekiDevam »