DIOECESEOS OGDENSBURGENSIS QUÆ IN SYNODO OGDENSBURGENSI I, A. D. 1875, LATA AC PROMULGATA FUERE AB ILLUSTRISSIMO AC REVERENDISSIMO DOMINO EDGARO P. WADHAMS, EPISCOPO OGDENSBURGENSI. TROY, N. Y. EXCUDEBAT T. J. HURLEY. 1875. 110. j. 460. PROOEMIUM. Concilii Baltimorensis Plenarii II (Tit. xiv, n. 533) obsequens monitis, "quatenus in omnibus executioni mandentur hujus Plenarii Concilii Decreta," et simul providere cupiens solutionem quæstionibus quibusdam opportunis in eo Concilio non decisis, quamprimum potuit, Synodum suæ novæ Diœceseos convocari curavit primus Episcopus Ogdensburgensis, Illmus ac Reymus EDGARUS P.WADHAMS. Ad hanc invitati sunt omnes tum Sæculares, tum Regulares Dioceseos Sacerdotes, quotquot legitime non essent impediti. Primum pars eorum circiter media die 9a Julii in civitatem episcopalem convenerunt, ubi pie sub directione Rev. P. GUILLELMI WAY RICH, C. SS. R., obierunt prævia annui secessus exercitia spiritualia, quibus rite absolutis, et cæteri Synodales accesserunt, ac tunc, die 13a Julii, opus indictum auspicatus est Illmus Episcopus, hora nona celebrando Missam pontificalem de Spiritu S., cui fere omnis Clerus et magnus fidelium numerus interfuerunt. Concione præclara mox de natura et scopo Synodi ac de Ecclesiæ divina constitutione verba fecit disertus idem Rev. P. WAYRICH, post quam aperta est Prima Synodi Sessio, recitatis precibus quæ in Pontificali Romano pro inchoatione Synodi præscribuntur. In ea suos Consultores designavit Illmus Episcopus sequentes: Rev. Adm. D. JACOBUM MACKEY, V. G. Procuratores Cleri .... { Rev. Adm. D. JACOBUS MACKEY, V. G., Ogdensburg. Rev. D. EDMUNDUS M. DE PAUW, Chateaugay. Rev. D. JACOBUS HOGAN, Watertown. Secretarius et Cancellarius, Rev. D. JOANNES E. O'HAIRE, Og'burg. Magistri Cæremoniarum, Rev. D. CYRILLUS FOURNIER, C. S. V. Designati sunt etiam : Examinatores Librorum, Examinatores Cleri.... Rev. D. JACOBUS J. SHERRY. Legit deinde Rev. D. Secretarius Decreta de Residentia et de Professione Fidei juxta formulam Pii PP. IV, quam ipsam prælectam omnes præsentes Patres bini et bini accedentes super Sacra Evangelia juramento firmarunt, hisque peractis, finem primæ Sessioni imposuit Illmus Episcopus solemniter impertiendo benedictionem suam episcopalem. Hora pomeridiana secunda cum dimidio convenit secunda Synodi sessio in sacello conventuali Beatæ Mariæ de Victoriis trans flumen Oswegatchię, ubi etiam secessus exercitia spiritualia feliciter habita fuerant. In ea primum sermonem brevem ad congregatum Clerum fecit Reymus Episcopus, post quem, quo liberius de propositis Statutis deliberarent Synodales, ad tempus in contiguum conclave recessit. Tunc, incepta discussione, Decreta Concilii Plenarii II Baltimorensis, necnon Conciliorum Provincialium Neo-Eboracensium, et Constitutiones pariter anteactarum Synodorum Albanensium declarata sunt approbata, et acceptata sunt tanquam promulgata et vim legis habentia in hac Diocesi. Lecta sunt deinde et perpensa Statuta jam parata et pro occasione typis impressa, ac, paucis mutatis, salvo beneplacito Ordinarii, votis omnium Patrum præsentium probata et sancita fuerunt. |