compra y venta se hizo con todas las condiciones necessarias: y casas y Rua costó ciento y sesenta y cinco ducados, que los tomó su dueño de el christiano Diego Neyva de los frayles en buena moneda: la casa por ciento y quarenta ducados, que se sabe por cierto; y veinte y cinco ducados de la Rua; y se pagó á su dueño, sin que le faltasse un flux: y ya pagada la tomaron en si los frayles, aviendo la visto, antes de pagar el dinero, de que somos testigos de aver visto esto y sabidolo todo muy bien.

A los primeros de Rubea la ultima, año de mil ciento y diez. (Abril de 1899.)

Cydi Ab Da lah.

Cydi Mahamet Fluci.
Cydi Ali ben Hatu.

N. 191

LEO EPISCOPUS

SERVUS SERVORUM DEI

Charissimo in Christo filio Emmanueli, Portugalliae et Algarbiorum regi illustri,
salutem et apostolicam benedictionem

Dum fidei constantiam eximiaeque devotionis affectum, quibus in nostro et apostolicae sedis conspectu clarè dignosceris, diligenti consideratione pensamus; illa tibi libenter concedimus, per quae tuae serenitati honor accrescat, et ad praeclarae niemoriae praedecessores tuos, Portugalliae et Algarbiorum reges, per inchoatam et per te feliciter continuatam infidelium expugnationem, ac Ecclesiarum, ad divini nominis gloriam, fundationem et constructionem constantior efficiaris.

1. Sanè nobis nuper pro parte tua, per dilectum filium Joannem de Faria, militem militiae Jesu Christi, oratorem tuum ad nos et sedem praedictam, pro praestanda obedientia desti natum, exhibita petitio continebat, quod alias postquam dicti praedecessores tui plures provincias, terras, civitates et loca, in ultramarinis partibus per infideles occupata, pro exaltatione catholicae fidei suae ditioni subjugaverant, nonnulli Romani Pontifices, praedecessores nostri, omnes et singulas Ecclesias in locis et terris, a promontoriis sive capitibus de Bojador et de Nam usque ad Indos partium ultramarinarum, ab eisdem infidelibus recuperatas, dumtaxat aedificandas ac construendas, ac omnem jurisdictionem spiritualem earundem ecclesiarum aedificandarum militiae Jesu Christi regni tui concesserunt et applicarunt, ac voluerunt, quod ex tunc in antea prior major dictae militae, nunc vicarius de Thomar nuncupatus, pro tempore existens, jurisdictionem spiritualem in eis

'Bullarium patronatus, tomó i, pag. 98.

dem Ecclesiis aedificandis haberet, prout in ipsorum praedecessorum litteris desuper confectis plenius continetur.

2. Cum autem, sicut eadem petitio subjungebat, tu, ut bonus atque intrepidus Redemptoris nostri Jesu Christi athleta, pro ejusdem fidei catholicae exaltatione, circa recuperationem aliarum terrarum et provinciarum, quae per crucis Christi inimicos occupantur, non absque grandi impensa, nullis parcendo laboribus, semper intendes, et Domino concedente propensius intendere proponas, si omnes et singulae Ecclesiae in quibuscumque Africae, et aliis provinciis, terris et locis ultramarinis, etiam in civitate et regno Marrochitarum, et aliis quibuscumque, ab eisdem infidelibus per te recuperatis et acquisitis, erectae seu aedificatae, et etiam in illis ac recuperandis et acquirendis, in posterum erigendae seu aedificandae eidem militiae, juxta tenorem litterarum praedictarum, subjiciantur; quodque de caetero perpetuis futuris temporibus prefatus vicarius in eisdem erectis et erigendis Ecclesiis, ac provinciis et terris recuperatis et recuperandis hujusmodi omnimodam jurisdictionem ecclesiasticam et spiritualem exercere possit et debeat, ipsaeque ecclesiae eidem militiae applicatae esse censeantur; ac tibi et successoribus tuis, Portugalliae et Algarbiorum regibus, qui pro tempore fuerint, jus patronatus, et praesentandi personas idoneas ad quaeeumque ecclesias et beneficia ecclesiastica cujuscumque qualitatis fuerint, in terris et provinciis hujusmodi a dictis infidelibus, per te dumtaxat a biennio citra recuperatis et acquisitis, erectae seu aedificatae, et etiam in illis ac recuperandis et acquirendis in posterum canonicè erigenda, quoties illa ex tunc perpetuis futuris temporibus vacare contigerit, servetur et concedatur.

3. Nos, votis tuis in hac parte favorabiliter annuentes, tuisque supplicationibus inclinati, omnes et singulas Ecclesias in quibuscumque Africae, et aliis provinciis, terris et locis ultramarinis, etiam in civitate et regno Marrochitarum, et aliis quibuscumque ab eisdem infidelibus per te dumtaxat a biennio citra recuperatis et acquisitis, erectas seu aedificatas, et etiam in illis, ac in posterum recuperandis et acquirendis, erigen

das et construendas, eidem militiae, auctoritate apostolica, subjicimus, tenore praesentium; ac quod de caetero in perpetuum praefatus vicarius de Thomar, in eisdem erectis et erigendis Ecclesiis, ac provinciis, terris et locis recuperatis et recuperandis, ac acquirendis hujusmodi, omnimodam jurisdictionem ecclesiasticam et spiritualem exercere possit et debeat, ipsaeque Ecclesiae eidem militiae applicatae sint, et esse censeantur, juxta tenorem litterarum praedecessorum hujusmodi, eisdem auctoritate et tenore statuimus et ordinamus; et nihilominus tibi et successoribus tuis, Portugalliae et Algarbiorum regibus, pro tempore existentibus, jus patronatus, et praesentandi personas idoneas ad quaecumque Ecclesias et beneficia ecclesiastica, cujuscumque qualitatis fuerint, in eisdem provinciis, terris et locis, ut praefertur, ab eisdem infidelibus a biennio citra acquisitis et recuperatis erecta, et etiam in illis, ac acquirendis et recuperandis in posterum erigenda, quoties illa vacare contigerit, auctoritate et tenore praemissis, reservamus atque concedimus.

4. Quocirca, venerabilibus fratribus nostris Visensi et Egitaniensi episcopis, ac dilecto filio officiali Ulixbonensi per apostolica scripta mandamus, quatenus ipsi, vel duo, aut unus eorum per se vel alium seu alias majestati tuae et tuis successoribus praefatis in praemissis, efficacis defensionis praesidio assistentes, faciant, auctoritate nostra, et te et successores praefatos, subjectione, statuto et ordinatione, necnon reservatione et concessione praedictis pacificè frui et gaudere; non permittentes te et successores tuos praefatos, seu vestrum aliquem per quoscumque desuper quomodolibet indebitè molestari, perturbari aut inquietari, contradictores per censuram ecclesiasticam, appellatione postposita compescendo.

5. Non obstantibus constitutionibus et ordinationibus apostolicis, necnon quibuscumque unionibus, annexionibus et incorporationibus de quibusvis Ecclesiis, etiam cathedralibus et metropolitanis, et locis in eisdem partibus infidelium, etiam in dictis Marrochitarum regno et civitate, et aliis quibuscumque consistentibus, quibusvis Ecclesiis, etiam cathedralibus. et metropolitanis, monasteriis, et illorum mensis ac personis

cujuscumque qualitatis, status, gradus, ordinis vel conditionis existentibus, ac cathedralium etiam metropolitanarum Ecclesiarum earundem provisionibus eisdem personis, etiam per quoscumque Romanos Pontifices, praedecessores nostros, ac nos, et sedem eandem, etiam ad instantiam regum, reginarum, ducum, principum et praelatorum ecclesiasticorum, ac etiam S. R. E. cardinalium, et ex quibusvis causis, etiam ratione obsequiorum nobis et Romanae Ecclesiae ac sedi praefatae, etiam pro fide catholica impensorum, perpetuo vel ad tempus, et sub quibusvis verborum formis, absque expresso consensu tuo, hactenus factis et concessis, confirmatis et innovatis, ac in posterum faciendis et concedendis, quae omnia et singula, etiamsi de nominibus, cognominibus, dignitatibus et titulis ecclesiarum et personarum, quibus et causis propter quas illa concessa sint vel fuerint, mentio specialis, specifica et expressa, ac de verbo ad verbum, non autem per generales clausulas id importantes habenda, aut aliqua alia exquisita forma servanda foret, eorum tenores praesentibus pro sufficienter expressis habentes, illorum omnium vim et effectum omnino suspendimus et suspensa esse decernimus, illisque specialiter et expresse derogamus, caeterisque contrariis quibuscumque, aut si aliquibus communiter vel divisim ab eadem sit sede indultum, quod interdici, suspendi, vel excommunicari non possint per litteras apostolicas, non facientes plenam et expressam, ac de verbo ad verbum de indulto hujusmodi mentionem.

6. Nulli ergo omnino hominum liceat hanc paginam nostrae subjectionis, statuti, ordinationis, reservationis, concessionis, mandati, suspensionis, decreti et derogationis infringere vel ei ausu temerario contraire. Si quis autem hoc attentare praesumpserit, indignationem omnipotentis Dei ac beatorum Petri et Pauli, apostolorum ejus, se noverit incursurum.

Datum Romae apud S. Petrum, anno incarnationis Dominicae 1514, septimo idus junii, pontificatus nostri anno secundo (9 de junho de 1514).