fuerint, atque in omnes et singulos fideles, qui ad Borussiae exercitum secundum leges pertineant. Is per Apostolicas Litteras in forma Brevis ab hac Sancta Sede facultates omnes accipiet, quae Cappellanis majoribus aliorum exercituum impertiri solent, iisque vel per se, vel per alios ecclesiasticos viros ab ipso subdelegandos uti poterit. Designatio personae pro Cappellani majoris munere fiet collatis inter Nos, Successoresve Nostros, ac Serenissimum Borussiae Regem consiliis. Cappellanus major Berolini deget, et a Borussiae Gubernio stipendium accipiet suae dignitati consentaneum, atque ex concessione Apostolicae Sedis Episcopali dignitate fulgebit titulo Ecclesiae in partibus infidelium; munus porro conficiendi antea processuales tabulas de ipsius vita ac moribus juxta canonicas sanctiones demandatum volumus uni ex Antistitibus Regni Borussiae. Cappellanorum minorum erit, Cappellanum majorem in sui ministerii partibus obeundis omni ope atque opera juvare. Qui quidem Cappellani e Clero eligentur dioecesium Borussicarum; atque ut eorum electio catholicae rei benevertat singulis Antistitibus, ad quos idcirco Cappellanus major se vertet, etiam atque etiam commendamus, ut de aeterna fidelium salute solliciti illius curis studiisque quantum in se fuerit obsecundent. Porro Cappellani isti minores durante munere subjecti erunt omnino spirituali Cappellani majoris jurisdictioni, qui ipsis pro re ac tempore facultates, quibus munitus fuerit, aut universas, aut in partem subdelegabit. Praeterea Cappellano majori facultas esto Cappellanos minores nominandi, castigandi, deque uno in alium locum transferendi, simulque ab officio removendi, dummodo canonicae causae id postulent. At enim antequam ad nominationem veniat alicujus Cappellani minoris, caveat apprime ne de persona ad id muneris designanda Regium Gubernium aliquid minus probandum deprehendat, simulque opportunum duxerit eorum aliquem aut alio transferre, aut ab officio removere, ea de re Regium Gubernium admoneat. A Cappellano autem majori unus ex Cappellanis minoribus deligetur, ut Vicarii generalis titulum, et officium exerceat. Si praesens Cappellanorum minorum numerus haud par necessitati videatur, eum Cappellanus major, collatis cum Regio Gubernio consiliis, augeat. Cappellani minores idem stipendium accipient officii sui proprium, quod in praesens ipsis persolvitur, signumque, quo internosci possint, habebunt, muneri consentaneum; item convenientem militiae gradum, et, honesta missione accepta, justam pensionem. Cappellani minores cum reapse Parochi censendi sint illius partis exercitus, quam spi rituali ipsorum curae Cappellanus major demandaverit, libere idcirco utentur singulis quibusque facultatibus, quas sibi idem Cappellanus major subdelegaverit. Verumtamen, quum aliquo pervenerint, intra tres dies, illius loci Parocho ostendant Litteras testimoniales tam super eorum Sacerdotio, quam super sua deputatione, ac facultatibus sibi concessis pro hujusmodi munere exercendo. Quo facto, loci Parochus non impediet, quominus ipsi in parochiali sua Ecclesia sacris operentur, sacramenta fidelibus sibi subjectis administrent, omnibusque illis utantur facultatibus, quibus muniti fuerint. Primi Cappellani majoris partes erunt (Nosque idcirco plenam illi tribuimus facultatem) leges conscribere, quae et Cappellanorum minorum ecclesiasticam disciplinam rite tueantur, et fidelibus, qui sub signis sunt, planiorem expeditioremque viam muniant ad fidei Catholicae actus exercendos. Hac de re vero cum Regio Gubernio aget, ut pro dictis fidelibus, qui stipendia merent, religionis officia cum militiae muneribus, quam rectissime concilientur. Porro leges hujusmodi priusquam habere incipiant, Sanctae hujus Sedis examini subjiciantur. Vacante Cappellani majoris munere, usque ad successoris nominationem jurisdictio, et facultates hujus muneris propriae provisorie exercebuntur a Vicario Generali. Haec volumus, statuimus, mandamus, decernentes praesentes Nostras Litteras semper firmas, validas, et efficaces existere, et fore, suosque plenarios et integros effectus sortiri, et obtinere, ac illis ad quos spectat, et pro tempore quandocumque spectabit plenissime suffragari. Non obstantibus Nostra et Cancellariae Apostolicae regula de jure quaesito non tollendo, aliisque Apostolicis ac in universalibus provincialibusque et synodalibus Conciliis edictis generalibus vel specialibus Constitutionibus, et Ordinationibus, ceterisque contrariis quibuscumque. Datum Romae apud S. Petrum sub Annulo Piscatoris. die XXII Maii MDCCCLXVIII. Pontificatus Nostri Anno Vigesimosecundo N. Card. Paracciani Clarelli. CVII. Collationsbreve Pius' IX. vom 24. Juli 1868 an Bischof Namszanowski. Venerabili Fratri Francisco Adolpho Namszanowski Episcopo Agathopolitano in partibus infidelium Pius P. P. IX. Venerabilis Frater salutem et Apostolicam Benedictionem. Cum pro Apostolici Officii munere, quod Humilitati Nostrae commisit Altissimus, nihil Nobis potius sit, quam ut ea omnia quacumque ope possumus procuremus, quae fidelibus usui sint, ad aeternam salutem adipiscendam, idcirco simul ac Serenissimus Borussiae Rex Guillelmus exponendum Nobis curavit, valde sibi gratum fore, si pro Catholicis, qui in Borussiae exercitu terra marique militant, Vicariatum Castrensem, sive Cappellaniam Majorem, uti dicunt, instituere dignaremur, Nos eo statim animum cogitationesque Nostras adjecimus et omnibus rei momentis attente perpensis per Apostolicas Litteras die XXII Mensis Maii hujus anni hac ipsa forma Brevis datas institutionem illam certis conditionibus juribusque executioni mandavimus. Nunc vero cum de Persona agatur, quae munus istud naviter diligenterque fungatur, Nos collatis cum eodem Serenissimo Borussiae Rege consiliis, Tibi, Venerabilis Frater, hujusmodi officium demandandum existimavimus, pro certo habentes Te in obeundis ejusdem Officii partibus talem futurum, qualem Nobis egregia Tua pietas, morum gravitas, vitae integritas, aliarumque virtutum commendatio pollicetur. Quae cum ita sint, Te a quibusvis excommunicationis et interdicti aliisque eccles. sententiis, censuris et poenis quovis modo, vel quavis de causa latis, si quas forte incurristi, hujus tantum rei gratia absolutum fore censentes, Te, quem in novissimo Consistorio Nostro Secreto Episcopum Agathopolitanum in partibus infidelium renunciavimus, hisce Litteris Vicarium Castrensem, sive Cappellanum Majorem Catholicorum omnium, qui in terrestribus, maritimisque Borussiae copiis stipendia faciunt, ceterorumque fidelium, qui ad Borussiae Exercitum pertinent secundum legem, auctoritate Nostra Apostolica eligimus, facimus, constituimus. Porro, quod ad ea curanda, quae hujus Officii sunt, expeditior Tibi pateat ratio, infra scriptas facultates per Te, vel per alium, seu alias personas in ecclesiastica dignitate constitutas, sive alios Sacerdotes probos, idoneosque per Te ipsum, praevio diligenti et rigoroso examine, repertos et approbatos (quatenus ab aliquo suo Ordinario approbati non essent) itemque ab Te subdelegandos, erga Milites aliasque utriusque sexus personas ad Borussiae Exercitus, comprehensis etiam Auxiliaribus Copiis secundum legem, uti diximus, spectantes dumtaxat exercendas, tenore praesentium eadem Auctoritate, ad Nostrum et Sanctae hujus Apostolicae Sedis beneplacitum tribuimus et impertimur. Quae quidem faclutates sunt hujusmodi, videlicet. Admini strandi omnia Ecclesiae Sacramenta, etiam ea, quae per Parochialium Ecclesiarum Rectores administrari consueverunt, praeter confirmationem et ordines, si ipse subdelegatus, sive subdelegandus Episcopali charactere insignitus non fuerit, vel Tu, Venerabilis Frater, per Te, dicta Sacramenta Confirmationis et Ordinis ministrare non possis, reliquasque functiones, et munia Parochialia obeundi. Absolvendi ab haeresi et apostasia a Fide et Schismate quoscumque etiam Ecclesiasticos tam saeculares quam regulares eadem Castra sequentes, non tamen eos, qui ex illis locis fuerint, in quibus viget Officium Inquisitionis adversus haereticam pravitatem, nisi inibi deliquerint ubi haeresis impune grassatur; neque etiam illos, qui errores judicialiter abjuraverint, nisi isti nati sint, ubi haeresis item grassetur, et post judicialem abjurationem illuc reversi in haeresim fuerint relapsi, et hoc in foro conscientiae dumtaxat; absolvendi quoque a quibusvis excessibus, et delictis quantumcumque gravibus et enormibus, etiam in casibus Nobis et eidem sedi Aplicae specialiter reservatis, ac etiam contentis in Litteris die Coenae Domini legi solitis. = Retinendi et legendi (non tamen aliis similem licentiam concedendi) libros prohibitos haereticorum, vel infidelium de eorum religione tractantes, et alios quoscumque ad effectum eos impugnandi ac haereticos et infideles in castris forte degentes ad orthodoxam Fidem convertendi, ac ita ut dicti libri prohibiti ex Provinciis, in quibus haereses impune grassantur, minime efferantur. Celebrandi Missam una hora ante auroram, et aliam post meridiem, et si coget necessitas, etiam extra Ecclesiam in quocumque loco decenti, etiam sub divo et sub terra, et gravi omnino urgente necessitate, bis in die (si tamen in priori Missa ablutionem non sumpserit, et jejunus fuerit) nec non super Altare portatili, etiam non integro, seu diffracto, aut laeso, et sine Sanctorum Reliquiis, ac demum si aliter celebrari non possit, et absit periculum irreverentiae, aut Scandali et Sacrilegii, etiam praesentibus haereticis atque excommunicatis, dummodo Missae inserviens non sit haereticus nec excommunicatus. = Concedendi primo conversis ab haeresi, vel schismate Plenariam, aliis ibidem quibuscumque utriusque sexus Christi fidelibus ad praefatos Exercitus, uti innuimus, pertinentibus in articulo mortis, saltem contritis, si confiteri non poterunt, nec non Nativitatis Dni. Nost. Jesu Christi, Paschatis, Resurrectionis et Assumptionis Immaculatae Virginis Deiparae festis diebus vere poenitentibus, confessis ac Sacra Communione refectis similiter Plenariam omnium peccatorum suorum indulgentiam et remissionem, sin = = gulis autem Dominicis aliisque festivis diebus de praecepto relaxandi iis, qui tuis, Venerabilis Frater, Concionibus interfuerint, decem annos de injunctis illis, seu aliis quomodolibet debitis poenitentiis in forma Ecclesiae consueta, easdemque Indulgentias Tibi lucri faciendi. Singulis secundis Feriis cujuscumque hebdomadae officio nova Lectionum non impeditis, vel, iis impeditis, die immediate subsequenti celebrandi Missam de Requiem in quocumque Altari etiam portatili, si aliter celebrari non possit, in suffragium animae alicujus ex pie defunctis dictorum Exercituum, secundum celebrantis intentionem, et Missa hujusmodi animae, pro qua celebrata fuerit, perinde suffragetur ac si ad Altare Privilegiatum fuisset celebrata. = Deferendi, si in locis versentur ubi ab haereticis et infidelibus periculum subsit sacrilegii vel irreverentiae, SSmum Eucharistiae Sacramentum occulte ad infirmos sine lumine illudque sine eodem in praedictis casibus retinendi pro infirmis iisdem in loco tamen apto et decenti. = Induendi (si et quando in iis partibus degant, per quas propter haereticorum, et infidelium insultus aliter transire, vel in illis commorari non possint) vestibus saecularibus, licet sacerdotes etiam Regulares fuerint. Benedicendi quaecumque vasa, tabernacula, vestimenta, paramenta et ornamenta Ecclesiast. aliaque ad Divinum cultum pro servitio eorundem Exercituum dumtaxat necessaria et pertinentia, exceptis tamen iis, in quibus sacra unctio adhibenda erit, si subdelegatus a Te Episcopali non fuerit dignitati insignitus, vel Tu, Venerabilis Frater, per Te ipsum illa non consecraveris. Reconciliandi Ecclesias, Cappellas, Coemeteria et Altaria quomodolibet polluta in illis Partibus, in quibus ipsi Exercitus consederint, si ad Locorum Ordinarios commodus non pateat accessus, aqua tamen prius per aliquem Catholicum Antistitem benedicta immo etiam, magna urgente necessitate, ut Missae Dominicis aliisque festis diebus celebrari queant, illa etiam a memorato Antistite non benedicta. Praeterea Tibi, Venerabilis Frater, per Te pariter, vel alium seu alios ab Te delegandos probos et idoneos Sacerdotes in Foro Ecclesiastico versatos, juxta attestationem et informationem ab eorum Ordinariis aliisque Personis fide dignis per Te desuper exquirendam omnem et quacumque jurisdictionem Ecclesiasticam exercendi in eos, qui in Exercitibus praefatis pro Sacramentorum administratione, nec non spirituali animarum cura, ac directione pro tempore inservient, sive Clerici, vel Presbyteri Saeculares, sive quorumvis etiam Mendicantium Ordinum Regulares fuerint perinde ac si quod ad Clericos |