= = saeculares, eorum veri Praesules et Pastores, quod ad Regulares vero, illorum essent Superiores Generales omnesque causas Ecclesiasticas, Profanas, Civiles, Criminales et mixtas inter, seu contra dictas, aliasque personas in Exercitibus praefatis commorantes ad Forum Ecclesiasticum quovismodo pertinentes, etiam summarie et simpliciter ac de plano, sine strepitu et figura judicii, sola facti veritate inspecta, audiendi et fine debito terminandi contra inobedientes quoslibet ad censuras et poenas Ecclesiasticas procedendi illasque aggravandi, ac etiam saepius reaggravandi auxiliumque brachii saecularis invocandi. Insuper cosdem Christi fideles in dictis Exercitibus degentes dispensandi, quando expedire videbitur, super esu carnium, ovorum, et lacticinorum, etiam tempore jejuniorum et quadragesimae. Donum commutandi, relaxandi, dispensandi ac absolvendi respective, prout et in quantum Episcopis Locorum Ordinariis juxta sacros canones et Concilii Tridentini Decreta id facere licet, seu permittitur, quod ad vota, juramenta, irregularitates, et censuras Ecclesiasticas, nempe excommunicationes, suspensiones et interdicta, nec non quod ad omissionem omnium, seu aliquarum ex denunciationibus, quae Matrimoniis personarum ad dictos Exercitus pertinentium, et cum illis commorantium contrahendis praemitti solent. Volumus autem, ut iidem Sacerdotes, quos Tu, Venerabilis Frater, pro Sacramentis etiam Parochialibus, Militibus aliisque personis quibuscumque dictorum Exercituum ministrandis, uti praediximus, deputandos duxeris, hujusmodi facultatibus uti valeant tam erga Milites praesidiarios, qui continuae arcium, sive aliorum locorum custodiae addicti sunt, quam erga Milites et personas Exercituum praedictorum ad vagas belli operationes destinatas, tum ubi in actuali expeditione reperiuntur, tum etiam cum in quibuslibet accidentalibus ac temporalibus, sive hibernis, sive aestivis ac etiam praesidialibus stationibus pro tempore detinebuntur, ita tamen ut statim ac iidem sacerdotes, quos Tu, Venerabilis Frater, subdelegaveris ad temporaneas illas stationes pervenerint, Litteras testimoniales tam super eorum sacerdotio, quam super sua deputatione ac facultatibus sibi vigore praesentium concessis pro hujusmodi munere exercendo, Parochis locorum exhibere debeant; quibus visis hi non impediant, quominus Missam in suis Ecclesiis celebrare ac in vim earundem facultatum sacramenta etiam Parochialia ministrare valeant. Quod si eo tempore Matrimonium inter personas, quarum altera Militaris sit, seu ad dictos Exercitus pertineat, ibique occasione stationum Friedberg, Staat und Bischofswahlen. Beilagen. 18 praedictarum commoretur, altera vero Parocho loci subjecta reperiatur, contrahi contingat, eo casu neque Parochus sine sacerdote hujusmodi, neque vicissim Sacerdos sine Parocho celebrationi Matrimonii adsistat, aut Benedictionem impertiatur, sed ambo simul atque aequaliter stolae emolumenta, si quae libere atque licite percipi solent, accipiant et inter se dividant Non obstantibus Apostolicis et in Universalibus, Provincialibus et Synodalibus Conciliis editis generalibus, vel specialibus Constitutionibus et Ordinationibus, nec non Ordinum, quorum personae hujusmodi professae fuerint, etiam juramento, confirmatione Apostolica, vel alia quavis firmitate roboratis statutis, consuetudinibus, privilegiis quoque, indultis, et Litteris Apostolicis in contrarium praemissorum quomodolibet concessis, confirmatis, et innovatis. Quibus omnibus et Singulis, illorum tenores praesentibus pro plene ac sufficienter expressis, ac de verbo ad verbum insertis habentes, illis alias in suo robore permansuris ad praemissorum effectum hac vice dumtaxat specialiter et expresse derogamus, ceterisque contrariis quibuscumque. Datum Romae apud S. Petrum sub Annulo Piscatoris die XXIV Julii Anno MDCCCLXVIII Pontificatus Nostri Anno Vigesimotertio. (L. S.) gez. Card. Paracciani Clarelli. Pierer'sche Hofbuchdruckerei. Stephan Geibel & Co. in Altenburg. |