pervenerint et per locorum ordinarios publicatae fuerint, diligenti peccatorum suorum perscrutatione et examine praeviis se ad eorum confessionem in hebdomada earundem litterarum publicationem immediate sequenti de more ecclesiae subeundam praeparent et illa confiteantur quartaque et sexta feriis ipsius hebdomadae necnon die sabbati ieiunent, dominica vero die proxime sequenti sacratissimam corporis D. N. Iesu Christi Eucharistiam sumant, Deum ex intimis cordibus pro Christianorum omnium pace et pro salutifero et tranquillo ac fructuoso eiusdem sacrosancti oecumenici concilii progressu et perfectione orantes. Ac ut praefatos Christifideles ad hoc etiam praemiis coelestibus invitemus, omnibus et singulis Christifidelibus ipsis, qui praemissa adimpleverint et proces10 sionibus ac supplicationibus quarta et sexta feriis ac sabbati die praedictis eo ordine, qui in alma urbe nostra Romae observatus existit, publice habendis interfuerint, aut qui adversa valetudine seu alio impedimento legitimo detenti, ac abbatissae, priorissae et monasteriorum quorumcunque moniales, etiam sub clausura existentes et eisdem processionibus interesse nequeuntes, si eleemosynam iuxta eorum devotionem et facultatem 15 alicui pauperi Christi pie fuerint elargiti aut, si inopes extiterint, Dominicam orationem cum salutatione angelica quinquies recitaverint et praemissorum loco pias ad Deum preces devote effuderint: eiusdem omnipotentis Dei benignitate ac misericordia beatorumque eius apostolorum Petri et Pauli auctoritate freti plenissimam omnium peccatorum suorum veniam et remissionem misericorditer in Domino concedimus et elargimur. Et ut haec 20 omnia ad plurium notitiam pervenire valeant simulque Deus ipse misericors a quamplurimis exoretur: omnibus patriarchis, archiepiscopis, episcopis et aliis ecclesiarum praelatis, ut quamprimum eaedem praesentes litterae ad eorum manus pervenerint, eas seu earum transumptum manu alicuius praelati seu personae in dignitate ecclesiastica constitutae subscriptum ubique per eorum provincias, ecclesias, civitates et dioeceses absque 25 ullo quaestu cum gratiis, concessionibus et indulgentiis ibidem contentis publicari faciant, in virtute sanctae obedientiae praecipiendo mandamus. Constitutionibus et ordinationibus Apostolicis et aliis contrariis non obstantibus quibuscunque. Volumus autem, quod huiusmodi processiones et supplicationes unica tantum vice in civitatibus, terris, castris et locis et in ecclesiis, in quibus praecipua animarum cura iniuncta reperitur, dumtaxat 30 fiant et habeantur. Praesentibus, postquam in Urbe ac provinciis, ecclesiis, civitatibus et dioecesibus praedictis publicatae fuerint ac quarta et sexta feriae ac dies sabbati huiusmodi praeterierint, minime valituris. Datum Romae ap. S. Petrum an. incarn. Domin. 1545, id. decembris, Pont. nostri an. 121.

1 Romae tribus diebus processiones et supplicationes habebantur, die sc. 14. decembris et sequentibus, ut

L. de Torres
B. Motta.

scribit Maffeus Cervino. Druffel, Mon. Trid. n. 269 p. 240; Conc. Trid. 1, 353 ad diem 17. decembris.

Labores per Paulum III Papam

ante Concilium Tridentinum

ad reformandam ecclesiam et Romanam curiam

suscepti.

Concilium Tridentinum. IV.

57

344.

Decreta Romanam curiam tangentia.

I. Romae die veneris 20. novembris 1534 fuit consistorium in loco consueto. Dedit negotium Sanctitas Sua tribus Rmis Dnis quoad morum reformationem: Senensi 1, Sancti Severini et Cesis. Tribus deinde aliis, qui ecclesiae status officiales ad syndicatus tenerent: Campegio, Grimano et de Cesarinis [Acta consist., Barber. XXXVI. 1 5 f. 206.

II. Romae die veneris 8. ianuarii 1535 fuit consistorium. Deputati ex Ris ad refor mationem morum, ad syndicandum 2 officiales forenses, hortati sunt per Sanctum D. N. ad prosequendum opus inceptum [1. c. f. 210]3.

III. Romae die mercurii 3. martii 1535 fuit consistorium. [Sanctus D. N.] renun10 tiavit Duis Rmis, quae egerat in congregatione Dominorum, quibus datum erat negotium morum ac reformationis, ut temporis conditioni consuleretur, hortatusque est Dominos, ut dum haec tractarentur, eorum vitae honestatem [prae se ferrent], quae ceteris exemplo esse posset, iussitque demum, ut acta sacri senatus summo cum silentio ac taciturnitate servarentur. Rmi Domini uno omnium consensu laudaverunt sententiam Sanctitatis Suae 15 1. c. f. 216].

20

IV. Romae die mercurii 14. aprilis 1535. Lecta decreta Summi Pontificis et senatus consulta, in quibus iubebat vitae ac morum honestatem Dnis Ris et universae curiae. Rm Iussit Sanctus D. N., ut decreta haec mitterentur per manus Dor [1. c. f. 220].

orum

morum

V. Romae die veneris 9. iunii 1535 fuit consistorium apud S. Marcum, in quo [S. D. N.] iussit Rmos Dnos sententiam dicere in causa morum reformationis et an bulla instituenda esset necne. Decreverunt, quod bulla edenda non esset; ea enim omnia, quae in ipsa continebantur, multo antea summa cum prudentia ac religione sancita erant, quare curandum erat solum, ut decreta maiorum servarentur et ea imprimis corrigerentur, 25 quae ad religionem et ad publica iudicia pertinerent tamquam necessaria et ad externarum gentium ac nationum exempla magis accommodata [1. c. f. 228].

a

Paulus episcopus etc.

VI. (Paulus III quinque cardinales et tres episcopos urbis et curiae Romanae refor matores instituit, 23. augusti 1535.] Ad futuram rei memoriam. Sublimis Deus filium suum 30 unigenitum humanam carnem assumere et in unam sibi copulare personam ideo instituit, ut ineffabilis unionis illius virtute non solum collapsa natura repararetur, sed ipsius sancta ecclesia proveheretur et illius membra firmissimo quodam amoris nexu inter se iungerentur ac populus Christianus in concordia pacem, in Spiritus virtute salutem, in caritatis vinculo gloriam adipisceretur. Unde nos, quibus licet immeritis misericors Do35 minus vices suas in terris pia miseratione committi disposuit, regendae ipsius ecclesiae providentiam nobis creditam salubriter exequi, et eandem ecclesiam (quae corpus Christi

In margine Fabius Vigil.

1 Qui fuit Ioannes Piccolomineus, tunc cardinalis Portuensis, brevi post, 26. sc. Februarii 1535, Ostiensis et decanus sacri collegii. Barber. XXXVI. 1 f. 214. 2 Syndicare, id est examinare, in alicuius mores vel acta inquirere. Du Cange sub hac voce.

3 Paucis diebus post, die sc. 14. ianuarii 1535, Paulus III motu proprio Christophorum Iacobatium

episcopum Cassanensem datarium (vide infra sub n. VI) et Petrum Florum ep. Castellimaris regentem cancel. lariae deputavit executores litterarum reformationis officialium curiae Romanae per Leonem X in concilio Lateranensi editarum, quarum litterarum in sequentibus saepius mentio fiet. Vide Regulae cancellariae Apcae, (Lugduni 1545) in fine appendicis.