diationem, decretum confirmationem commissionemque monitionem et voluntatem in se continentes exinde fieri et publicari fecimus, nostrique majoris sigilli jussimus appensione muniri, subscribi quoque signetis manualibus dilectorum Rudolphi Sapientis et Bertheti de Carro, notariorum publicorum, nostrorumque et ipsius capituli secretariorum. Datum et actum in ecclesia nostra Gebenn, prefata, inter duo ipsius ecclesie majora altaria, nobis inibi unacum supranominatis venerabilibus fratribus nostris, predicte ecclesie nostre canonicis, ut prefertur congregatis. Sub anno a nativitate domini millesimo quadringentesimo tricesimo quarto indicione duodecima, die vero mercurii vicesima secunda mensis Decembris, pontificatus sanctissimi in Christo patris et domini nostri, domini Eugenii divina providentia pape quarti anno quarto. Presentibus ibidem dilectis nostris discretis viris dominis Mermeto Tissoti canonico Lausannensi, Johanne de Ochia Boneville et Petro de Ponte de Massongier parochialium ecclesiarum nostre dioces. rectoribus, Martino Poginent et Johanne Pachodi, perpetuis capellanis in dicta ecclesia nostra Gebennen., testibus ad premissa vocatis specialiter et rogatis.

Datum ut supra.

(Le sceau de François de Mies pend au bas de l'acte.)

XI.-Indultum benefactoribus hospitalis pauperum verecundorum.

28 Décembre 1435.

Universis Christi fidelibus presentes litteras inspecturis, Franciscus miseratione divina episcopus Gebenn. et prin

ceps Salutem in eo per quem remissio peccatorum. Licet is de cujus munere vovit ut sibi a suis fidelibus digne et laudabiliter serviatur de habundantia pietatis sue que merita supplicum excedit et vota sibi bene servientibus multo majora retribuat quam valeant promereri Nichilominus tamen Desiderantes reddere Domino populum acceptabilem et bonorum operum sectatorem fideles ipsos ad complacendum ei quasi quibusdam allectivis muneribus indulgenciis scilicet et remissionibus Invitamus ut exinde filios Christi divine gracie reddantur apciores Cum itaque dilectus nobis in Christo Franciscus Versonay civis et mercator hujus nostre civitatis Gebenn. pia consideracione motus De bonis a summo sibi largitore collatis quoddam hospitale pauperum de statu felici ad inopiam versorum in dicta civitate nostra juxta seu prope ecclesiam fratrum minorum dicte nostre civitatis a parte lacus construxerit et fondaverit ac quoddam in eodem hospitali in honorem Dei et sub vocabulo eucaristie Christi altare pariter erexerit quod idem Franciscus pro uno capellano in eo perpetue Domino servituro de eisdem a deo sibi collatis bonis donare intendit quod nos hodie Dedicantes rite duximus consecrandum, missarum solemniis inde ibi per nos rite pariter celebratis, Nos cupientes ut dictum hospitale perpetuis temporibus in statu bono permaneat ac Christi pauperes in eo valeant sustentari dictumque altare congruis honoribus frequentetur et ut Christi fideles eo libentius causa devotionis confluant ad eadem quo ibidem uberius dono celestis gracie conspexerint se refectos De omnipotentis Dei misericordia et beatorum Petri et Pauli apostolorum ejus meritis et intercessionibus confisi, omnibus et singulis vere penitentibus et confessis qui predictum altare in ejusdem festivitate dedicationis devote perpetue visitabunt annuatim, aut dedicationis altaris ejusdem die ad ejus vel predicti hospitalis conservacionem et eciam reparacionem cum fuerit opportuna, sustentacionemque pauperum et infirmorum in

eodem hospitali pro tempore degencium manus porrexerint adjutrices, aliasne inibi pias elemosynas erogaverunt, unum annum de injunctis eis penitenciis in Domino per presentes misericorditer relaxamus. Datum Gebennis in dicto hospitali sub anno a Nativitate Domini millesimo quadringentesimo trigesimo quinto indicione tercia decima die vero vicesima octava mensis Decembris. Pontifficatus Sanctissimi in Christo patris et Domini nostri Domini Eugenii divina providencia pape quarti anno quarto, nostro sub sigillo in testimonium premissorum R. Sapientis.

XII. Renovacio prioris et electio facta per confratres subscriptos et hoc de anno domini m° IIII° nonagesimo sexto et die tercia mensis Jugnii, et elegerunt honor. virum Johannem Nergaz.

3 Juin 1496.

In nomine Domini, Amen. Hujus publici instrumenti tenore, cunctis fiat manifestum Quod a Nativitate ejusdem Domini sumpto currente millesimo quatercentesimo nonagesimo sexto, indicione quatuordecima, cum eodem anno sumpta, Die vero tercia mensis Jugnii. In mis notarii publici et testium subscriptorum presencia. Personaliter constituti in reffectorio conventus predicatorum civitatis Gebenn. nobiles et honorabiles viri Mermetus de Mandalla, Nycolaus Gapt, Guillermus Rogeti generales monetarum Sabaudie, Johannes de Planis, Guillermus de Crosa, Johannes Malliardi, Michael Lingocti, Bonifacius Dorerii, Martinus Bellocti, Guillermus de Quarro, Petrus Braseti, Anthonius Lionardi, Stephanus Pecollacti, Percevallus Peyrolerii, Glaudius de Castronovo, Petremandus de Malodumo, Johannes Turchi,

Johannes Clerici, Andreas Gervasii, Joh. de Fernay, Petrus Joh. Luppi, Joh. de Pesmes, Andreas Guacti, Anthonius de Versonay, Hugoninus de Ponte, Anthonius Peccollacti, Franeiscus Peccollacti, Petrus Cornaz, Jacobus de Muro, Guygo Prepositi, Joh. Vicentii, Joh. Balli, Petrus Balli, Bonifacius de Alibertis, Dominus Joh. Falqueti presbiter, Jacobus de Verrussis, Michael de Rippa, Petrus Anthonius de Rippa, Humbertus Boverii, Bernardus Rustiquelli, Joh. de Poste, Petrus Navis, Nantermetus Tissocti, Joh. de Roes, Stephanus BoniJohannis, Anthonius Millanesii, Petrus Falqueti, Joh. Emonyni, Petrus Boconis, Joh. Boconis, Joh. Caudi et Guillermus Bigecort, Confratres honor. confratrie heucaristie Christi Gebennis fieri solite, In predicto reffectorio in exitu misse in remedium animarum confratrum ejusdem confratrie deffunctorum celebrate, suo more solito congregati. Deque suis ac dicte confratrie et hospitalis Gebenn. prope ecclesiam fratrum minorum a parte lacus, per nob. Franciscum de Versonay fondati et dicte confratrie uniti, negociis tractantes, totamque confratriam predictam representantes suis et aliorum confratrum ejusdem confratrie absencium nominibus. Scientes gratis et sponte, omnibus melioribus modo, via jure et forma quibus fieri potest validioribus, faciunt, creant, constituunt, deputant et sollempniter ordinant priorem et rectorem dictorum hospitalis et confratrie, procuratoremque et negociorum gestorem specialem et generalem. Ita quod specialitas generalitati non deroget nec e contra, Videlicet honorabilem virum Johannem Nergaz civem Gebenn. mercatorem presentem Et honus hujusmodi in se gratis suscipientem Dantes et concedentes prefati constituentes eidem Joh. Nergaz, plenam generalem et omnimodam potestatem dictam confratriam et hospitale et bona eorumdem regendi gubernandi administrandi dispensandi et recuperandi, et de recuperatis quictandi Et super premissis si opus fuerit transigendi, compromittendi et concordandi, In TOм. III, PART. I.

28

judicioque standi et comparendi in omnibus et singulis dictorum confratrie et hospitalis causis initis pariter et movendis conjunctim vel divisim Et tam a se quam contra se coram quibuscumque dominis judicibus ecclesiasticis et secularibus, quacunque auctoritate fungentibus, petitionem seu peticiones verbathenus et in scriptis faciendis, libellum seu libellos positiones articulos interrogatoria alias quaslibet cedulas dandi producendi asserendi, ipsis responderi petendi et ex adverso datis respondendi exipiendi replicandi, Duplicandi, triplicandi et si opus fuerit quadruplicandi litem seu lites contestandi et contestari petendi de calumpnia jurandi, et quodlibet aliud licitum juramentum in animas ipsorum constituencium prestandi et ex adverso prestari petendi, quascumque commissiones impetrandi, testes, litteras, instrumenta, et quevis alia probacionum genera producendi et contra ex adversis productis ponendi, in jure et facto proponendi et allegandi, in causaque et causis renunciandi, renunciarique et concludi petendi et audiendi, sentencias interloquutorias et diffinitivas unam et plures fieri petendi et audiendi et ab ea seu eis et alio quolibet gravamine eisdem constituen. illato vel inserendo provocandi et appellandi appellationes et litteras dimissorias petendi et obtinendi appellationem et appellationes coram judicibus competentibus introducendi, intimandi, et prosequendi, expensas petendi et recipiendi, unum quoque seu plures procuratorem seu procuratores quoad lites et causas persequendas loco sui substituendi qui similem habeant potestatem substitutosque revocandi, presenti procuratorio in suo robore permanente, et generaliter omnia alia et singula faciendi, dicendi procurandi et exercendi que ipsimet concernentes facerent et facere possent si presentes et personaliter interessent et que causarum merita et juris ordo postulant et requirunt, Et jam si talia forent que de se mandatum exigant magis speciale vel generale. Et promictunt prenominati