Sayfadaki görseller
PDF
ePub

XXIII. Bulle du

[ocr errors]

pape Jules II qui confirme la décision prise dans un Conseil général en faveur de l'hốpital des pestiférés de Palais, d'appliquer aux besoins dudit hopital l'argent des confréries, lorsque cellesci auraient satisfait aux charges qu'elles doivent supporter.

Pridie Kal. Marcii 1505.

Julius episcopus servus servorum dei Dilectis filiis Viennen. et Lugdunen. ac Gebennen. Officialibus Salutem et apostolicam benedictionem. Hodie a nobis emanarunt littere tenoris subsequentis. «Julius episcopus servus servorum dei ad perpetuam rei memoriam Hiis que pro infirmorum et aliarum miserabilium personarum pia Subventione et ne alii Christi fideles ex contagiosa commixtione eorumdem infirmorum inficiantur provide facta dicuntur, libenter, cum a nobis petitur, adjicimus apostolici muniminis firmitatem. Sane pro parte dilectorum filiorum communitatis Civitatis Gebennen. nobis nuper exhibita petitio continebat quod cum ipsi communitas quoddam Hospitale a paucis annis citra, in plano Palatii suburbiorum civitatis predicte pro infirmis pestiferis recipiendis construi et edificari fecisset, et ad illud morbo pestilentiali infecti confugientes seu declinantes visitarentur, et vite alimenta ac alia necessaria susciperent, Communitas prefati seu eorum Sindici et alii cives dicte civitatis, totam communitatem representantes, considerantes intollerabiles expensas pro premissis necessarias ex facultatibus seu fructibus dicti hospitalis supportari non posse, cum illius facultates sive fructus ad modum exigui, ymo quasi nulli sint, nisi prout per Christi fideles pro hujusmodi oneribus supportandis in elemosinam erogatur, Cupientesque tam pio et necessario ac

caritativo operi subventionis ipsarum personarum morbo pestifero infectarum salubriter provideri, habito super hoc generali concilio, ubi dilecti filii Priores et confratres confratriarum civitatis predicte interfuerunt, concorditer statuerunt et ordinaverunt quod pro oneribus predictis supportandis omnes pecunie in quibuscunque confratriis dicte civitatis et penes confratres dictarum confratriarum existentes, ultra onera in eisdem confratriis supportari solita et ipsis oneribus in ipsis confratriis prius supportatis et deductis, ad opus dicti hospitalis pestiferi pro oneribus predictis erogarentur, hujusmodique statutum et ordinationem seu deliberationem Venerabilis frater noster Aymo episcopus Lausannen. et ecclesie Gebennen. in spiritualibus et temporalibus per sedem apostolicam administrator deputatus, ordinaria auctoritate approbavit et confirmavit ac mandavit ejus Officialibus in spiritualibus et temporalibus mediatis et immediatis ipsorumque loca tenentibus sub pena excommunicationis et centum librarum Gebennen. pro quolibet eorum, quatenus premissa attenderent et observarent et in nullo contravenirent, omnesque et singulos Priores et rectores quarumcunque confratriarum cujuscunque status vel conditionis forent ecclesiasticos vel seculares cogerent et compellerent censuris et aliis modis fortioribus, ad reddendum quolibet anno computum et legitimam cautionem predictis Sindicis seu deputatis ab eis de gestis et administratis per eos occasione premissorum et predictarum confratriarum, et reliqua, supportatis oneribus eisdem confratriis incumbentibus, dictis sindicis seu deputatis ab eis traderent et solverent quibuscumque oppositionibus rejectis prout in Instrumento super deliberatione premissorum per dictum Consilium generale habito ac litteris Episcopi et administratoris super confirmatione et approbatione predictis habitis, dicitur plenius contineri. Cum autem, sicut eadem peticio subjungebat, premissa cedant non solum ad piam et miserabilem subventionem dictorum peste pro tempore infectorum in dicto

Hospitali recipiendorum, sed etiam ut bona dictarum confratriarum bene et laudabiliter dispensentur et ex illorum laudabili dispensatione etiam predictis pestiferis subveniatur, Pro parte eorumdem communitatis nobis fuit humiliter supplicatum ut statuto et ordinationi nec non approbationi confirmationi et mandato predictis, pro illorum subsistentia firmiori, robur apostolice confirmationis adjicere aliasque in premissis oportune providere de benignitate apostolica dignaremur. Nos igitur qui singulorum pauperum miserabiliumque personarum indigentiis pie subveniri sinceris desideramus affectibus, communitatem prefatos ipsiusque Communitatis singulares personas a quibus vis excommunicationis suspensionis et interdicti aliisque ecclesiasticis sententiis censuris et penis a jure vel ab homine quavis occasione vel causa latis, si quibus quomodolibet innodati existant, ad effectum presentium duntaxat consequendum, harum serie absolventes et absolutos fore censentes hujusmodi supplicationibus inclinati, statutum et ordinacionem nec non approbationem confirmationem et mandatum predicta ac prout illa concernunt omnia et singula in instrumento et licteris predictis contenta, auctoritate apostolica tenore presencium approbamus et confirmamus, supplentes omnes et singulos defectus si qui forsan intervenerint in eisdem. Et nichilominus pro potiori cautela premissa omnia de novo eadem auctoritate apostolica statuimus et ordinamus ac perpetuis futuris temporibus modis et formis in Instrumento et litteris predictis contentis observari debere decernimus et mandamus; Nonobstantibus Constitutionibus et ordinationibus apostolicis ac dicte Civitatis juramento confirmatione apostolica vel quavis firmitate alia roboratis statutis et consuetudinibus ceterisque contrariis quibuscumque. Nulli ergo omnino hominum liceat hanc paginam nostre absolutionis approbationis confirmationis suppletionis statuti ordinationis decreti et mandati infringere vel ei ausu temerario contraire. Si quis autem hoc attemptare presumpserit, indignatio

nem omnipotentis dei ac beatorum Petri et Pauli apostolorum ejus se noverit incursurum. Dat. Rome apud Sanctum Petrum Anno Incarnationis dominice Millesimo quingentesimo quinto Pridie kl. martii Pontificatus nostri Anno tertio. »> Quocirca discretioni vestre per apostolica scripta mandamus quatinus vos vel duo aut unus vestrum per vos vel alium seu alios, litteras predictas et in illis contenta quecumque ubi et quando opus fuerit ac quotiens pro parte communitatis prefatorum desuper fueritis requisiti, Solemniter publicantes ac eis in premissis efficacis defensionis presidio assistentes, faciatis auctoritale vestra statutum et ordinationem predicta firmiter observari, ac eosdem communitatem pacifica possessione vel quasi statutorum ordinationum approbationum confirmationum suppletionis decreti et mandati predictorum juxta dictarum litterarum continentiam gaudere, non permittentes Communitatem prefatos per priores et rectores predictos seu quoscumque alios contra earumdem litterarum tenorem quomodolibet indebite molestari, Contradictores per censuram ecclesiasticam appellatione postposita compescendo nonobstantibus omnibus que in dictis litteris volumus nonobstare, seu si prioribus et rectoribus prefatis vel quibus vis aliis communiter vel divisim ab apostolica sit' sede indultum quod interdici suspendi vel excommunicari non possint per litteras apostolicas non facientes plenam et expressam ac de verbo ad verbum de indulto hujusmodi mentionem. Dat. Rome apud sanctum Petrum Anno Incarnationis dominice millesimo quingentesimo quinto Pridie kl. Martii Pontificatus nostri Anno tertio.

XXIV. Donation d'un terrain, faite par le duc Charles de Savoye en faveur de l'hôpital des pestiférés.

26 Mai 1508.

Carolus Dux Sabaudie Chablaisii et Auguste, Sacri Romani Imperii Princeps Vicariusque perpetuus, Marchio in Itallia, Princeps Pedemontium, Comes Gebennesii Baugiaci et Rotondimontis, Baro Vuaudi Gaii et Foucigniaci, Nicieque Breissie Vercellarum etc. Dominus, Universis fieri volumus manifestum Quod cum a certis annis citra, Hec Gebennen. Civitas multo antea tempore pestiffero morbo fere continuis annis Infici solita, pro communi civium salute et reffugio, Hospitale unum in plano Palacio ejusdem civitatis edifficari fecerit, ubi territi eodem morbo acque infecti caritative recipiuntur et sumptibus ipsius communitatis aluntur, visitantur et humaniter tractantur, rem quidem sanctam inde a summo pontifice confirmatam, qui eciam ecclesiastica sacramenta ibidem reductis et morientibus ministrari, decernere et alias thesaurum ecclesie sancte dei apperire dignatus est. Cum itaque civitas ipsa, que satis tenues redditus in communi possidet, non valeat oneribus predictis habondanter ut interdum necessitas affluencium exposcit supplere, Volentes igitur illi auxilio esse circa ipsa pietatis opera ymo et eandem majoribus favoribus prosequi, Considerata maxime civium in nos Illu. quoque et Reverendum fratrem nostrum illorum antistitem illustrissimosque bone memorie predecessores nostros indubitata fide et constanciamultiplicibus eorum obsequiis et gratiosis donis comprobata, ex nostra certa scientia per nos et nostros heredes et successores quoscumque, eis omnibus melioribus modo via jure forma et effectu quibus tutius et vallidius facere possumus, Ad humilem supplicationem dilectorum nostrorum Petri Levrerii,

« ÖncekiDevam »